08/12/2025
182 جار خوێنراوەتەوە
كۆمسیۆن: لە ئەنجامی تانەدان شەش كاندیدی سەركەوتوو دووردەخرێنەوە
پەیام
شەش كاندید كە بەپێی ئەنجامە فەرمییەكانی كۆمسیۆن لە هەڵبژاردنەكانی ئەنجومەنی نوێنەرانی عێراق سەركەوتبوون، دوورخرانەوە و دەنگەكانیشیان دەسووتێت.
كۆمیسیۆنی باڵای سەربەخۆی هەڵبژاردنەكانی عێراق رایگەیاندووە، بە دوورخستنەوەی ئەو شەش كاندیدە سەركەوتووە، گۆڕانكاری گەورە لە ئەنجامەكاندا ڕوو دەدات، ئەو گۆڕانكارییانەش لە ئەنجامی تانەدان بووە لە شایستەیی كاندیدەكان.
كۆمیسیۆن راشیگەیاندووە، یەكێك لە كاندیدەكان سەرۆكی لیست بووە لە پارێزگای نەینەوا و بەهۆی ئەوەی یاسای لێپرسینەوە و ڕیشەكێشكردنی ڕژێمی بەعس دەیگرێتەوە، دوورخراوەتەوە، وێڕای ئەوەی لە هەڵبژاردنەكاندا نزیكەی 40 هەزار دەنگی بەدەستهێناوە.
هەروەها ڕاشگەیەندراوە، لە شوێنی ئەو لە لیستێكی دیكە كاندیدێك سەردەكەوێت و هەروەها گۆڕانكاریش لە كۆتای ژنان لەو پارێزگایە ڕوو دەدات و ئافرەتێكی دیكە بە كۆتا سەردەكەوێت كە پێشتر و لە ئەنجامە فەرمییەكاندا سەرنەكەوتبوو.
لە تۆڕە کۆمەڵایەتیەکان شەیری بکە