سلۆت خاڵی بەهێزی ئارسیناڵ ڕوون دەکاتەوە

پەیام سپۆڕت - مەڕوان تاڵیب

ئاڕنی سلۆتی ڕاهێنەری لیڤەرپووڵ خاڵە بەهێزەکانی ئارسیناڵ ڕوون دەکاتەوە و بە شایستەی پێشەنگیان دەزانێت.

 لە کۆنگرەی ڕۆژنامەوانی پێش یارییەکەیان بەرانبەر ئارسیناڵ لە شەوی پێنجشەممە، سەرەتا ڕاهێنەرەکەی ڕێدز وتی: یارییەکە گرنگییەکی زۆری هەیە و هێشتا زۆرمان ماوە لە پریمەرلیگ بۆی بجەنگین، هەروەها لە جامی یەکێتی ئینگلتەرا و چامپیۆنسلیگیش، یارییەکی گرنگە بۆ ئەوەی بزانین لە چ ئاستێکداین، بەرانبەر ئارسناڵێکی زۆر زۆر بەهێز کە ساڵانێکی زۆرە ئاستیان زۆر ناوازەیە، دیارترین خاڵی بەهێزیان ئەوەیە بە دەگمەن گۆڵیان لێدەکرێت و لە تۆپە وەستاوەکان گۆڵی باش دەکەن و هەموو پێداویستییەکانیان هەیە بۆ ڕکابەریکردن و شایستەی ئەوەن لە پێشەنگی دابن.

ئاڕنی ئاماژە بەوە دەکات، لیڤەرپووڵ نیشانی داوە ئەگەر لە پرێمەرلیگیش باش نەبێت، دەتوانێت نازناوێکی دیکە لەم وەرزە بباتەوە، هەرچەندە گرفتیان لە دروستکردنی هەلەکان هەیە و دەبێت ڕێگایەک بەرانبەر ئەو تیپانە بدۆزنەوە کە بە چڕییەکی زۆرەوە یاری دەکەن و زۆریش لە تیپەکەی ڕازییە.

لە کۆتایدا سلۆت ئاشکرای کرد، هەرگیز بە ئاشکرا باسی مێرکاتۆ ناکات و باسی یاریزانانی یانەکانی دیکەش ناکات، یاریزانی تەواویان هەیە و دەتوانن کێشە بۆ ئارسیناڵ و تیپەکانی دیکە دروست بکەن و گرفتی یاریزانیان نییە و هارڤی ئیلیۆت بژاردەی گەڕانەوەی بۆ لیڤەرپووڵ نییە.