قسەکانی مۆرینیۆ لە ژووری جلگۆڕین دوای شکستی دێربی دزەی کردووە

پەیام سپۆڕت - مەڕوان تاڵیب

قسەکانی جۆزێ مۆرینیۆ لە ژووری جلگۆڕین بۆ یاریزانانی ڕیاڵ مەدرید دوای شکستی دێربی دزەی کردووە.

 لەدوای کۆتاییهاتنی دێربیی مەدرید و دۆڕانی مێرێنگی بەرانبەر ئەتلەتیکۆ بە ئەنجامی ٢-١، بێن فێرناندێزی ڕۆژنامەنووسی دیاری ئیسپانی دەربارەی پەیامە نهێنییەکەی مۆرینیۆ سەرەتا وتی: پەیامی مۆرینیۆ بۆ یاریزانانی ڕیاڵ لە دوای یارییەکە زۆر کورت و ڕوون و کاریگەر بووە و وتویەتی: متمانەی تەواوم بەو کارە هەیە کە پێکەوە دەیکەین و تەواوی بڕوام بە توانای ئەم تیپە هەیە بۆ گۆڕینی ئەم بارودۆخە لە ماوەیەکی کەمدا.

لە بەشێکی دیکەی زانیارییە ئاشکراکراوەکاندا، ڕۆژنامەنووسە ئیسپانییەکە ئاماژەی بە مەبەستی ڕاهێنەرە پورتوگالییەکە کرد و دەڵێت: مۆرینیۆ دەستبەجێ دوای فیکەی کۆتایی لە ژووری جلگۆڕین ڕووبەڕووی یاریزانەکان بووەوە تا ڕێگری بکات لە داڕمانی دەروونی و بەرزکردنەوەی ورەی تیپەکەی، هاوکات جەختی لەسەر ئەوە کردەوە کە پێویستە لە پاش وەستانی نێودەوڵەتی بە ڕۆحیەت و شێوازێکی تەواو جیاواز لە دەستپێکی وەرز مامەڵە لەگەڵ یارییەکاندا بکەن.