ئینریکی هەڵەیەکی خۆی بۆ ڕوون بووەتەوە و یاسایەک دەگۆڕێت

پەیام سپۆڕت - مەڕوان تاڵیب

لویس ئینریکیی ڕاهێنەری یانەی پاریس سانجێرمان یاساکانی کێبڕکێ لە تیپەکەیدا دەگۆڕێت و پێگەی مسۆگەری هەڵوەشاندەوە.

 ڕۆژنامەی "لیکیپ"ـی فەرەنسی ئاشکرای کردووە، دەستپێکی ئەم وەرزە بۆ پاریس سانجێرمان نموونەیی نەبووە و ئینریکی بە تەواوی دەستبەرداری ئەو بیرۆکەیە بووە کە یاریزانی سەرەکیی هەمیشەیی یان یەدەگی مسۆگەر بوونی هەبێت، بەڵکو ئێستا پێویستە سەرجەم ئەستێرەکان لە ڕێگەی ئاستی ڕۆژانە و مەشقەکانەوە شایستەیی خۆیان بۆ یاریکردن بسەلمێنن.

لیکیپ جەختی لەوە کردەوە کە ئامانجی ئینریکی ئەوەیە کێبڕکێیەکی ڕۆژانەی پڕ لە ڕکابەری دروست بکات تا هیچ ڕکابەرێک نەتوانێت پێشبینیی پێکهاتەکەی بکات.

لە کۆتایدا سەرچاوەکە ئەوە دەخاتەڕوو، لە نێو هەموو ئەستێرەکانی پاریسدا، تەنیا ڤیتینیا  لەم یاسا نوێیە بەدەرکراوە و تاکە یاریزانە کە پێگەی سەرەکیی لە هەموو بارودۆخێکدا مسۆگەرە، چونکە ئینریکی ئەو بە دڵی لێدانی فەلسەفەی تەکتیکیی خۆی دەزانێت و سەقامگیریی هێڵی ناوەڕاستی بەستووەتەوە بە بوونی ئەو لە نێو یاریگەدا.