24/01/2026
364 جار خوێنراوەتەوە
پیسبوونی هەوای پایتەختی بۆسنەوهەرسك مەترسیی لەسەر ژیانی دانیشتووانەكەی دروستكردووە
پەیام
خراپترین ئاستی پیسبوونی هەوا لە شاری سەراییڤۆى پایتەختی بۆسنەوهەرسك بۆ دووەم ڕۆژ لەسەر یەك تۆماركرا، ئەوەش مەترسیی لەسەر ژیانی دانیشتووانەكەی دروستكردووە.
شاری سەراییڤۆی پایتەختی بۆسنە و هەرسك بۆ دووەم ڕۆژ لەسەر یەك خراپترین كواڵیتی هەوای لە نێو شارە گەورەكانی جیهان تۆماركرد، دەسەڵاتداران هۆشداری تەندروستیان بۆ دانیشتووانی شارەكە دەركرد كە ژمارەیان نزیكەی 400 هەزار كەس دەبێت بەهۆی ئەو پیسبوونی هەوایەی شارەكەی گرتووەتەوە.
بەپێی داتاكانی كۆمپانیای ئای كیو ئەیری سویسری ڕێژەی بوونی تەنۆلكەی هۆكاری تووشبوون بە شێرپەنجە لە هەوای شاری سەراییڤۆ نزیكەی 300 میكرۆگرامە بۆ هەر مەترێك سێگۆشە و ئەوەش لە ئاستی ئاسایی ڕێگەپێدراو تێپەڕیوە.
بەرزبوونەوەی لەناكاوی پیسبوونی هەوا لە شاری سەراییڤۆ لە وەزری زستان كارێكی باوە بەهۆی پەنگخواردنەوەی دوكەڵ لە ئاسمانی ئەو شارەی چواردەوری بە شاخ گیراوە و هۆكاری سەرەكی ئەو پیسبوونە دەگەڕێتەوە بۆ بەكارهێنانی دار و خەڵوز بۆ خۆگەرمكردنەوە.
لە تۆڕە کۆمەڵایەتیەکان شەیری بکە