ترەمپ: ئەگەر سیستمی هەڵبژاردنەكانمان چاك نەكرێت دەوڵەتی ئەمریكا نامێنێت

پەیام 

سەرۆكی ئەمریكا ڕەخنەی توند ئاراستەی سیستمی هەڵبژاردنی وڵاتەكەی دەكات و داوای گرتنەبەری هەندێك ڕێككار دەكات.

دۆناڵد ترەمپ، سەرۆكی ئەمریكا لە تۆڕی كۆمەڵایەتی تروس سۆشیال بڵاویكردەوە هەڵبژاردنەكانی ئەمریكا ساختە و دزراون و بوونەتە جێی گاڵتەجاڕیی لە سەرتاسەری جیهان.

سەرۆكی ئەمریكا هۆشداری دەدات ئەگەر چاكسازیی لە سیستمی هەڵبژاردنەكان نەكرێت، ئەوا دەوڵەتی ئەمریكا بوونی نامێنێت و ئاماژەی بەوەدا یان سیستمی هەڵبژادن چاك دەكەن یاخود دەوڵەتیان بۆ نامێنێتەوە و داوای لە سەرجەم كۆمارییەكان كرد بەشداری هەوڵەكانی چاكسازیی سیستمی هەڵبژاردن لە وڵات بكەن.
دۆناڵد ترەمپ كۆمەڵێك ڕێككاری پێویستی دیاریكردووە بۆ سیستمی هەڵبژاردن لەژێر ناوی یاسای ڕزگاركردنی ئەمریكا و داوای كردووە هەموو دەنگدەرێك ناسنامەی دەنگدەر لە كاتی دەنگدان نیشان بدات و دەنگدان لەڕێگەی ئیمەیڵ قبووڵ نەكرێت بۆ حاڵەتی نەخۆشی و كەمئەندامی و خزمەتی سەربازیی و گەشتكردن نەبێت.