سه‌رۆكوه‌زیرانی نوێی به‌ریتانیا ده‌ستبه‌كار بوو

په‌یام

ئاندی بێرنهام بە ڕەسمی ئەرکی سەرۆکوەزیرانی بەریتانیای گرتە دەست، دوای ئەوەی لەلایەن پاشا تشارڵسی سێیەمەوە ڕاسپێردرا بۆ پێکهێنانی کابینەی نوێ و جێگرتنەوەی کیر ستارمەری دەستلەکارکێشاوە.

بەپێی ڕاگەیەندراوێکی کۆشکی باکنگهام، ئاندی بێرنهام، سەرۆکی نوێی پارتەکەی بەریتانیا، لە میانی مەراسیمی نەرێتیی ڕاسپاردندا چاوی بە پاشا تشارڵسی سێیەم کەوتووە و ئەركی سەرۆکایەتیی وەزیران و وەزارەتی خەزێنەی قبوڵ کردووە. بێرنام کە پێشتر پارێزگاری مانچستەر بووە، بە یاوەری هاوسەرەکەی گەیشتە کۆشکەکە و دواتریش به‌ره‌و  بارەگای سەرۆکایەتیی وەزیران لە ژمارە ۱۰ی شەقامی داونینگ ستریت رۆیشت تا بەڕەسمی دەستبەکار بێت.

سەرۆک وەزیرانە نوێیەکە کە تەمەنی ٥٦ ساڵە، دەبێتە چوارەمین سەرۆک وەزیران لە سەردەمی پاشایەتیی تشارڵسی سێیەمدا لە ئەیلوولی ٢٠٢٢ەوە. هەروەها بێرنهام دەبێتە سێهەمین سەرۆک وەزیرانی وڵاتەکە لە ماوەی دە ساڵی ڕابردوودا لە ساڵی ٢٠١٦ەوە.

ئەم دەستبەکاربوونە دوای دەستلەکارکێشانەوەی کیر ستارمەر هات کە لە تەممووزی ٢٠٢٤دا دوای سەرکەوتنی پارتەکەی دەسەڵاتی گرتە دەست. ستارمەر مانگی ڕابردوو لە ژێر گوشاری قەیرانە سیاسی و ئابوورییەکاندا دەستلەکارکێشانەوەی خۆی ڕاگەیاند، بەڵام لە وتاری ماڵئاواییدا جەختی لەوە کردەوە کە بە شانازییەوە دەست لەکار دەکێشێتەوە و لە سایەی کابینەکەیدا بەریتانیا بەراورد بە دوو ساڵی ڕابردوو بەهێزتر و دادپەروەرتر بووە.