پێش 4 هەفتە
437 جار خوێنراوەتەوە
تڕهمپ دژی ئهم بڕیارهیه
پهیام
حکومەتى زایۆنی کار بۆ داگیرکردنی تەواوەتیى خاکی فەڵەستین دەکات، کۆشکی سپییش دەڵێت: ترەمپ دژى لکاندنی کەنارى خۆراوایە بە ئیسرائیلەوە.
بەرپرسێکی کۆشکی سپی بە سکاى نیوزی ڕاگەیاندووە، دۆناڵد ترەمپ، سەرۆکی ویلایەتە یەکگرتووەکان دژى پێکەوەلکاندنی کەناری خۆراوای داگیرکراوە لەلایەن ئیسرائیلەوە و پێی وایە پاراستنی سەقامگیریی کەنارى خۆراوا لە بەرژەوەندیى ئاسایشی ئیسرائیلدایە، هەروەها لەگەڵ ئامانجی بەدیهێنانی ئاشتی لە ناوچەکەدا دەگونجێت.
ئەم هەڵوێستەى ترەمپ دواى ئەوە دێت، پەرلەمانى ئیسرائیلی (کابینێت) بڕیارى دا لەسەر تۆکمەکردن و قووڵکردنەوەى پلانی لکاندنی کەنارى خۆراوای داگیرکراو.
ئاژانسی هەواڵى فەڵەستینی "وەفا" بڵاوىە کردووەتەوە، کابینێتی ئیسرائیلی دەنگی لەسەر چەند بڕیارێک داوە کە گۆڕانکاریى ریشەیى لە بەڕێوەبردن و تۆمارکردنی خاک لە کەنارى خۆراوا دەکات، هەروەها پرۆسە و پلانی لکاندن تۆکمە دەکات وڕێگە بە ڕووخاندنی ماڵ و موڵکی فەڵەستینییەکان دەکات. لەبەرانبەردا ئەوە وەبەرهێنان و داگیرکردنی خاک لەلایەن زایۆنییەکانەوە زیاد دەکات.
لە تۆڕە کۆمەڵایەتیەکان شەیری بکە