ئەردۆغان و سوودانی جەختیان لە هەماهەنگیی ئەمنیی تورکیا و عێراق كردەوە

پەیام 


سەرۆكوەزیرانی عێراق و سەرۆككۆماری توركیا لە پەیوەندییەکى تەلەفۆنیدا جەختیان لە پێویستیی هەماهەنگیی ئەمنیی هاوبەشی نێوان هەر دوو وڵات كردەوە.

ئەمڕۆ، محەمەد شیاع سو‌ودانی، سەرۆكوەزیرانی عێراق، پەیوەندییەكی تەلەفۆنی لە رەجەب تەیب ئەردۆغان، سەرۆككۆماری توركیاوە پێ گەیشت، بەپێی ڕاگەیەنراوێكی نووسینگەی ڕاگەیاندنی سودانی "لە پەیوەندییەكەدا، جگە لە پیرۆزبایی بەبۆنەی نزیكبوونەوەی مانگی ڕەمەزان، جەخت لەسەر سێ تەوەری سەرەكی پەرەپێدانی ئابو‌وری، هەماهەنگی ئەمنی و سەقامگیری ناوچەكە كرایەوە.

بەپێی ڕاگەیەنراوەكەی نو‌وسینگەی ڕاگەیاندنی سەرۆكوەزیرانی عێراق "هەردو‌ولا باسیان لە "پڕۆژەی ڕێگای گەشەپێدان" كردو‌وە وەك ستراتیژێكی گرنگ بۆ وەبەرهێنان و بەرزكردنەوەی ئاستی ئاڵوگۆڕی بازرگانی نێوان هەردو‌و وڵات، هەروەها جەختیان لە پێویستی هەماهەنگی ئەمنی بۆ ڕو‌وبەڕو‌وبو‌ونەوەی پاشماوەكانی تیرۆر و پاراستنی ئاسایشی سنو‌ورەكان كردو‌وەتەوە.

لە لایەكی دیكەوە، دۆخی پڕ گرژی ناوچەكە و مەترسییەكانی جەنگ تەوەرێكی دیكەی گفتوگۆكە بو‌و.

لای خۆیەوە فەرمانگەی پەیوەندییەكان لە سەرۆكایەتی كۆماری توركیا ڕایگەیاند: ئەردۆغان جەختی كردەوە كە بەهێزكردنی هاوكاری لە بنەبڕكردنی تیرۆر خزمەتی بەرژەوەندی هەر دوو وڵات دەكات.