1 کاتژمێر پێش ئێستا
74 جار خوێنراوەتەوە
نرخى کارەباى عێراق لە هەموو وڵاتانى دیکەى عەرەبى هەرزانترە
پەیام
عێراق لە پلەی یەكەمی وڵاتانی عەرەبیدایە بۆ هەرزانی نرخی كارەبا و نرخەکە لە هەموو وڵاتانى دیکەى عەرەبى هەرزانترە.
بەپێی داتاكانی پێگەی گلۆباڵ پەترۆڵ پرایس، عێراق لە پلەی یەكەمی وڵاتانی عەرەبیدا بووە بۆ هەرزانی نرخی كارەبا و كەمترین نرخی كارەبای لە ناوچەكە تۆماركردووە و نرخی كارەبا 0.015 دۆلار بووە بۆ هەر كیلۆوات/كاتژمێرێك بۆ بەكارهێنانی نیشتەجێبوون و 0.046 دۆلار بۆ هەر كیلۆوات/كاتژمێرێك بۆ بەكارهێنانی بازرگانی بووە.
میسر لە پلەی دووەمدا هاتووە بۆ هەرزانی كارەبا لەسەر ئاستی وڵاتانی عەرەبی و دواتر قەتەر لە پلەی سێیەم و پاشان عومان لە پلەی چوارەم و جەزائیر لە پلەی پێنجەمدا بووە، هەریەك لە وڵاتانی مەغریب و ئوردن لە لیستی ئەو وڵاتە عەرەبیانەدان كە نرخی كارەبایان زۆر گرانە.
لە تۆڕە کۆمەڵایەتیەکان شەیری بکە