2 کاتژمێر پێش ئێستا
150 جار خوێنراوەتەوە
ڕاپرسییەك: زۆرینەی ئەمریكییەكان لە سیاسەت و بڕیارەكانی ترەمپ ناڕازین
پەیام
ئەنجامی ڕاپرسییەكی نوێ دەریدەخات كە زۆرینەی دەنگدەرانی ئەمریكا نیگەرانن لە سیاسەتەكانی دۆناڵد ترەمپ و سەریان سوڕماوە لە هەنگاوەكانی دروستكردنی جەنگ لەگەڵ ئێران و دروستكردنی پشێوی بۆ جیهان.
بەگوێرەی ڕاپرسییەك كە ڕۆژنامەی "فایننشال تایمز" ئەنجامی داوە، سەدا 58ی دەنگدەرانی ئەمریكا ناڕەزایی توندیان بەرانبەر بە شێوازی بەڕێوەبردنی قەیرانی جەنگ لەلایەن دۆناڵد ترەمپەوە دەربڕیوە.
ئەم ئامارانە ئاماژە بەوە دەكەن، كە زۆرینەی كۆمەڵگەی ئەمریكی لەگەڵ ئەو ستراتیژەدا نین، كە سەرۆك بۆ ڕووبەڕووبوونەوەی ئێران پەیڕەوی دەكات، ئەمەش لە كاتێكدایە، كە گرژییەكان لە ناوچەكەدا بەردەوامییان هەیە.
لەلایەكی دیكەوە، ڕاپرسییەكە ئاشكرای كردووە، كە ناڕەزایەتییەكان تەنانەت كۆماریەكانیشی گرتووەتەوە، بە جۆرێك 20%ی دەنگدەرانی ئەو پارتە دژایەتی خۆیان بۆ سیاسەت و بڕیارەكانی ترەمپ لەم جەنگەدا نیشان داوە.
ئەم پاشەكشەیە لە پشتگیری جەماوەری، بەتایبەت لە ناو لایەنگرانی خودی پارتەكەدا، وەك نیشانەیەكی مەترسیدار بۆ ئیدارەی ئەمریكا لەقەڵەم دەدرێت كە لە لایەن زۆرینەی پێكهاتە سیاسی و جەماوەرییەكانەوە ڕەخنەی لێ دەگیرێت، ئەوە لە كاتێكدایە كە بڕیارە لە مانگی 11دا هەڵبژاردنی نیوەیی بەڕێوە بچێت.
لە تۆڕە کۆمەڵایەتیەکان شەیری بکە