پێش 4 هەفتە
298 جار خوێنراوەتەوە
وۆڵ ستریت جۆرناڵ: ئهمریكا له جهنگی ئێراندا ئامانجی ستراتیژی نهبووه
وۆڵ ستریت جۆرناڵ ئاشکرای دەکات، ئیدارەی تڕەمپ لە ململانێکانیدا لەگەڵ تاران تەنیا دەستکەوتی تاکتیکیی هەبووە و تا ئێستا نەیتوانیوە هیچ ئامانجێکی ستراتیژی بپێکێت، بەتایبەت لەبارەی پرسی ناوهکی و گەرووی هورمز.
ڕۆژنامەی "وۆڵ ستریت جۆرناڵ" لە زاری چەند سەرچاوەیەکی ئاگادارەوە بڵاویکردەوە، سەرەڕای هەوڵەکان، هێشتا بۆشایی و جیاوازییەکی گەورە لە نێوان واشنتن و تاراندا هەیە، بەتایبەت لەسەر چۆنیەتیی بەڕێوەبردنی گەرووی هورمز لە داهاتوودا کە یەکێکە لە خاڵە هەرە هەستیارەکانی نێوانیان.
بەپێی زانیارییەکانی ڕۆژنامەکە، لێکتێنەگەیشتنەکان تەنیا پرسی گەرووی هورمز ناگرێتەوە، بەڵکوو لەبارەی جۆری ئەو کۆتوبەندانەی کە بڕیارە تاران لەسەر بەرنامە ناوکییەکەی قبووڵیان بکات، جیاوازیی قووڵ لە نێوان هەردوولادا ماوەتەوە و نەگەیشتوونەتە ڕێککەوتن.
لە کۆتایی ڕاپۆرتەکەدا ئاماژە بەوە دراوە، هەرچەندە ئیدارەی تڕەمپ لە چوارچێوەی جەنگەکەیدا دژی ئێران چەند دەستکەوتێکی تاکتیکیی بەدەستهێناوە، بەڵام لە ڕووی ستراتیژییەوە تا ئێستا نەیتوانیوە هیچ کام لە ئامانجە سەرەکییەکانی بپێکێت و ململانێکان بەبێ ئەنجامێکی یەکلاکەرەوە بەردەوامن.
لە تۆڕە کۆمەڵایەتیەکان شەیری بکە