1 کاتژمێر پێش ئێستا
81 جار خوێنراوەتەوە
زەیدی ئەركەكانی وەك سەرۆكوەزیرانی نوێی عێراق دەستپێكردووە
پەیام
دوای ئەوەی لە مەڕاسیمێكدا ئەركەكانی لە محەمەد شیاع سوودانی وەرگرت، عەلی زەیدی بە فەرمی وەك سەرۆكوەزیرانی نوێی عێراق و فەرماندەی گشتی هێزە چەكدارەكان دەستبەكار بوو.
ئەمڕۆ، عەلی فالح زەیدی سەرۆكوەزیرانی نوێ، لە مەراسیمێكی ڕادەستكردن و وەرگرتندا، بە فەرمی دەسەڵاتەكانی سەرۆكایەتی حكومەتی عێراقی لە محەمەد شیاع سوودانی، سەرۆكوەزیرانی پێشوو وەرگرت.
بەپێی ڕاگەیەنراوی نووسینگەی ڕاگەیاندنی سەرۆكوەزیران، زەیدی ئەركەكانی وەك سەرۆكی ئەنجومەنی وەزیران و فەرماندەی گشتی هێزە چەكدارەكان دەست پێكردووە.
ئەم هەنگاوە دوای ئەوە دێت كە لە 14ی ئەم مانگەدا، ئەنجوومەنی نوێنەرانی عێراق متمانەی بە زەیدی و 14 وەزیری كابینەكەی بەخشی، لە كاتێكدا دەنگدان لەسەر نۆ وەزارەتی دیكە بۆ كاتێكی نادیار دوا خرا.
عەلی زەیدی لە 27ی نیسانی ڕابردوو لەلایەن نزار ئامێدی، سەرۆككۆماری عێراقەوە ڕاسپێردرا، ئەمەش دوای ئەوەی هاوپەیمانی "چوارچێوەی هەماهەنگی" وەك گەورەترین كوتلە بۆ ئەو پۆستە كاندیدی كرد.
هەر چەندە بەپێی یاسا دەبێت سەرۆكوەزیران لە ماوەی 30 ڕۆژدا تەواوی كابینەكەی بناسێنێت، بەڵام بڕیارێكی پێشووی دادگای فیدراڵی ڕێگەی بە سەرۆكوەزیران داوە كە وەزیرەكان بە چەند قۆناغێك یان بە وەكالەت دیاری بكات، بە مەرجێك ئەنجوومەنی نوێنەران متمانەیان پێ ببەخشێت.
لە تۆڕە کۆمەڵایەتیەکان شەیری بکە