وەزارەتى دادى ئەمریکا پارێزبەندی بە تڕەمپ و کەسوکارەکەی دا

پەیام

وەزارەتی داد و گوزەرانی ئەمریکا بە فەرمی حەسانەی هەمیشەیی بەخشییە دۆناڵد ترامپ و خێزانەکەی لە هەر جۆرە بەدواداچوونێکی یاسایی پەیوەست بە باجەکانی ڕابردوویان، بەمەش ڕێگری لە هەڵدانەوەى دۆسیە داراییەکانیان کرا. 
تۆد بلانش، سەرپەرشتیاری وەزارەتی دادی ئەمریکا، بەڵگەنامەیەکی فەرمی واژۆ کردووە کە تێیدا هاتووە حکومەتی ئەمریکا چیتر مافی پێداچوونەوەی بەو ڕاپۆرتە داراییانەدا نییە کە ترامپ پێش ڕۆژی دووشەممەی ڕابردوو پێشکەشی کردوون، هەروەها ناتوانرێت هیچ دۆسیەیەکی باج کە پێشتر باسی لێوە کراوە یان دەکرا باسی لێوە بکرێت، سەرلەنوێ بکرێتەوە. 
ئەم بڕیارە دوای ڕێککەوتنێکی لێکتێگەیشتن دێت کە ڕۆژی دووشەممە لە نێوان ترامپ و فەرمانگەی داهاتی ناوخۆیی ئەمریکادا واژۆ کرا. بەپێی ڕێککەوتنەکە، ترامپ ڕازی بووە ئەو داوا یاساییە بکشێنێتەوە کە تێیدا داوای ١٠ ملیار دۆلار قەرەبووی دەکرد بەهۆی دزەپێکردنی زانیارییە باجییەکانیەوە. 
لەلایەکی دیکەوە و وەک بەشێک لەو ڕێککەوتنە، وەزارەتی داد سندوقێکی دارایی بە بەهای نزیکەی ١. ٨ ملیار دۆلار بۆ قەرەبووکردنەوەی ئەو کەسانە تەرخان کردووە کە بە وتەی وەزارەتەکە بوونەتە قوربانی "بەبەستەڵەککردن و تێکەڵکردنی سیاسەت بە دۆسیەکانیان"، ئەم هەنگاوەش شەپۆلێک لە پرسیار و ڕەخنەی توندی لە ناو کۆنگرێسی ئەمریکادا لێکەوتووەتەوە.