2 کاتژمێر پێش ئێستا
63 جار خوێنراوەتەوە
وادەی ڕەوانەكردنی پڕۆژەیاسای بودجەی 2026 بۆ پەرلەمانى عێراق ئاشكرا دەكرێت
پەیام
پێشبینی دەكرێت پڕۆژەیاسای بودجەی ساڵی 2026 لە دوو مانگی داهاتوودا ڕەوانەی ئەنجومەنی نوێنەرانی عێراق بكرێت.
قەیسەر جۆرانی، سەركردە لە چوارچێوەی هەماهەنگی و ئەندامی ئەنجومەنی نوێنەران، ئاشكرای كرد، پێشبینی دەكرێت پڕۆژەیاسای بودجەی ساڵی 2026 لە ناوەڕاستی مانگی حوزەیرانی داهاتوو یان سەرەتای تەمموزدا ڕەوانەی پەرلەمان بكرێت.
ئەم هەنگاوە دوای ئەوە دێت، كە حكومەتی فیدراڵ دەنگدان لەسەر پڕۆژەیاساكە لەناو ئەنجومەنی وەزیراندا تەواو بكات و ڕەوانەی لایەنی یاسادانانی بكات بۆ پەسەندكردنی كۆتایی.
جۆرانی ئاماژەی بەوەشكرد، لایەنە سیاسییەكان بەنیازن بە خێرایی بودجە تێپەڕێنن، چونكە ئامانجی سەرەكی دەستەبەركردنی بەردەوامی مووچە و دەستپێكردنەوەی پڕۆژە خزمەتگوزاری و گەشەپێدانە وەستاوەكانە.
جورانی ڕاشیگەیاند: حكومەت دەبێت پەلە بكات لە تەواوكردنی ڕەشنووسەكە تاوەكو لە كاتی دیاریكراودا ڕەوانە بكرێت، چونكە دواكەوتنی دەبێتە هۆی پەككەوتنی پلانە وەبەرهێنانەكان و خەرجییە گشتییەكان كە وەزارەتەكان و پارێزگاكان پێویستیان پێیەتی.
هاوكات پەرلەمانتارەكە جەختی كردەوە، هەفتەكانی داهاتوو جموجۆڵێكی سیاسی و پەرلەمانی فراوان بۆ ئامادەكردنی زەمینەی یاسایی و گفتوگۆكردن لەسەر بودجە بەڕێوەدەچێت.
لە تۆڕە کۆمەڵایەتیەکان شەیری بکە