7 رۆژ پێش ئێستا
1107 جار خوێنراوەتەوە
ترەمپ: بۆ بەڕێوەچوونی پرسەی خامنەیی، هەفتەیەک مۆڵەتمان بە ئێران داوە
پەیام
سەرۆكی ئەمریكا ڕایگەیاند بۆ بەڕێوەچوونی مەراسیمی پرسەی خامنەیی، هەفتەیەك مۆڵەتیان بە ئێران داوە و وەشاندنی گورزی كوشندەیان لەو وڵاتە ڕاگرتووە.
لە وتارێكیدا بە بۆنەی یادی 250 ساڵەی سەربەخۆیی وڵاتەكەی لە كێوی ڕاشمۆر، دۆناڵد ترەمپ سەرۆكی ئەمریكا، ڕایگەیاند كە ئیدارەكەی ماوەی هەفتەیەك مۆڵەتی بە ئێران داوە تا مەراسیمی بەخاكسپاردنی عەلی خامنەیی بەڕێوە بچێت، ئەمەشی بۆ "میهرەبانی" ئەمریكا گەڕاندەوە.
ترەمپ جەختی كردەوە كە توانیویانە لە تەنها یەك ڕۆژدا كێشەی ڤەنزوێلا یەكلایی بكەنەوە و گورزی زۆر بەهێزیشیان لە تاران وەشاندووە.
سەرۆكی ئەمریكا ئاماژەی بەوەش كرد "ئێران بەهەموو شێوەیەك هەوڵ بۆ گەیشتن بە ڕێككەوتنی سیاسی لەگەڵ ئەمریكا دەدات".
هەر لەو میانەیەدا، ڕۆژنامەی "یەدیعۆت ئەحرۆنۆت"ی عیبری بڵاوی كردەوە "بەشداریی ملیۆنان كەس لە مەراسیمی پرسەی خامنەیی، نیشاندانی هێز و پەیامێكی ڕاشكاوە بۆ ویلایەتە یەكگرتووەكان كە شۆڕشی ئێران هیچ سنوورێكی نییە".
ئەمەو لە دوێنێ هەینییەوە مەڕاسیمی ماڵاوایی لە تەرمی عەلی خامنەیی ڕێبەری باڵای پێشووی كۆماری ئیسلامیی ئێران دەستی پێكردووە و بڕیارە تا ڕۆژی پێنجشەممەی ئەم هەفتەیە بخایەنێت.
لە تۆڕە کۆمەڵایەتیەکان شەیری بکە