ئێران: ئەمریكا كەشتییە بازرگانییەكان بۆ گواستنەوەی سەرباز بەكاردەهێنێت

پەیام 

وەزارەتی دەرەوەی ئێران ئەمریكای تۆمەتبار دەكات بەوەی كە كەشتییە بازرگانییەكان لە گەرووی هورمز بۆ گواستنەوەی سەرباز و كەرەستەی سەربازی بەكاردەهێنێت. 

وەزارەتی دەرەوەی ئێران لە ڕاگەیەندراوێكدا دەڵێت: ئەمریكا كەشتییە بازرگانییەكان لە گەرووی هورمز بۆ گواستنەوەی سەرباز و كەرەستەی جەنگی بەكاردەهێنێت، كە ئەم كەشتییانە بە كوژاندنەوەی سیستەمەكانی ڕادار و بەكارهێنانی ڕێڕەوی باشووری گەرووەكە ئەركە سەربازییەكانیان جێبەجێ دەكەن و بە نهێنی چەك و كەرەستەی سەربازی دەگوازنەوە.

هەروەها ئاماژەی بەوەش كرد كە لە نێوان 26ی حوزەیران بۆ 8ی تەممووزدا، كەشتییە جەنگییەكانی ئەمریكا یاوەریی كەشتییەكانی نەوت و غازیان كردووە، بە سوود وەرگرتن لە ئازادی هاتووچۆی كەشتیوانی لە گەرووەكە.

وەزارەتی دەرەوەی تاران دووپاتی كردەوە، كە هێرشە سەربازییەكانی ئێستای ئەمریكا كە لە 8ی تەممووز و هاوكات لەگەڵ مەراسیمی بەڕێكردنی تەرمی عەلی خامنەیی دەستیان پێكردووە، درێژكراوەی دوژمنایەتییەكی 75 ساڵەیە، ئاماژەش دەكات كە واشنتن ڕووداوی سێ كەشتیی ناو گەرووی هورمزی وەك پاساو بۆ چڕكردنەوەی بۆردوومانەكان بەكارهێناوە و تا ئێستاش ئەو ئۆپراسیۆنانە بەردەوامییان هەیە.