ئێران: له‌ ئاماده‌باشیداین و چاودێری دۆخه‌كه‌ ده‌كه‌ین

فەرماندەی هێزی وشکانیی ئێران هەڕەشەی وەڵامدانەوەیەکی یەکلاکەرەوە دەکات و، دەڵێت، هێزەکانیان بەردەوام چاودێریی جووڵە و هەڕەشەکانی دوژمن دەکەن و لەوپەڕی ئامادەیی سەربازیدان. 
فەرماندەی هێزی وشکانیی سوپای ئێران ڕایگەیاند هێزەکانیان بەردەوام چاودێریی جووڵە و هەڕەشەکانی دوژمن دەکەن و لەوپەڕی ئامادەیی سەربازیدان. هەروەها هۆشداریی دا کە هەر هەنگاوێکی دوژمن بە وەڵامێکی توند و یەکلاکەرەوە دەدرێتەوە، و جەختی لەوە کردەوە کە ڕێگە نادەن هیچ سەربازێکی ئەمریکی پێ بخاتە سەر خاکی وڵاتەکەیان. 
لە ئاستی دیپلۆماسیشدا، جیهان چاوەڕێی ڕاگەیاندنی ڕێککەوتنێکە لە نێوان ئێران و عومان بۆ دەستپێکردنەوەی هاتوچۆی کەشتییەکان لە گەرووی هورمز. لە کاتێکدا دۆناڵد ترەمپ، سەرۆکی ئەمریکا، چاوی لە دەستپێکردنەوەی خێرای هەناردەی نەوتە پێش هەڵبژاردنەکانی نیوەی خولی کۆنگرێس لە مانگی تشرینی دووەمی داهاتوو، . 
بەپێی ڕاپۆرتێکی تۆڕی جەزیرە، گرنگترین زانیارییە دزەپێکراوەکانی تایبەت بەم ڕێککەوتنە ئاماژە بەوە دەکەن کە ڕێکەوتنەکە کاتییە و تەنها بۆ ماوەی ٦٠ ڕۆژ بەردەوام دەبێت، ئەمەش وەک قۆناغێکی ئامادەکاری تا ئەو کاتەی لایەنەکان دەگەنە ڕێککەوتنێکی کۆتایی سەبارەت بە ئاساییکردنەوەی هاتوچۆی دەریایی لەو ناوچە ستراتیژییەدا.