یارییەکی گەورەی ماڵئاوایی بۆ مێسی لە ئەرجەنتین ڕێکدەخرێت

پەیام سپۆڕت - مەڕوان تاڵیب

یارییەکی مێژوویی بۆ ماڵئاوایی لە لیۆنێل مێسی لەگەڵ هەڵبژاردەی ئەرجەنتین ڕێکبخرێت، ئەمەش دوای ئەوەی بە فەرمی وازهێنانی نێودەوڵەتی ڕاگەیاند.

 بابلو گرافیلۆنی، ڕۆژنامەنووسی ناوداری ئەرجەنتینی، ئاشکرای کرد هەموو ئامادەکارییەکان بەرەو ڕێکخستنی یارییەکی ماڵئاوایی دەچن لە ناو خاکی وڵاتەکە.

بەپێی زانیارییەکانی ئەم ڕۆژنامەنووسە، ماوەی پشووی نێودەوڵەتی داهاتوو کە لە ٢١ی ئەیلوول تا ٦ی تشرینی یەکەم دەخایەنێت، گونجاوترین کات دەبێت بۆ ئەنجامدانی ئەم یارییە تایبەتە تاوەکو مێسی لە ناو هاندەرانی وڵاتەکەیدا ماڵئاوایی بکات.

هەرچەندە هێشتا بە فەرمی ڕکابەر و شوێنی یارییەکە دیاری نەکراوە، بەڵام ئەم یارییە دەبێتە دوایین دەرفەت بۆ هاندەرانی تانگۆ تاوەکو لە ناو یاریگادا سوپاسی ئەو یاریزانە بکەن کە دوای ساڵانێکی زۆر چاوەڕوانی، توانی نازناوی مۆندیالیان بۆ بگەڕێنێتەوە.