1 کاتژمێر پێش ئێستا
94 جار خوێنراوەتەوە
گیانلەدەستدانی یەكەم تووشبوو بە ڤایرۆسی شامۆندا لە فەڕەنسا ڕاگەیەندرا
پەیام
تەندروستیی جیهانی گیانلەدەستدانی یەكەم تووشبووی مرۆڤی بە ڤایرۆسی شامۆندا لە فەڕەنسا بە فەرمی، ڕاگەیاند.
تێدرۆس ئەدهانۆم، بەڕێوەبەری گشتیی ڕێكخراوی تەندروستیی جیهانی گیانلەدەستدانی كەسێكی بەهۆی تووشبوون بە ڤایرۆسی شامۆندا بە فەرمی ڕایگەیاند و وتی "نەخۆشەكە بەرگریی لەشی لاوازكردووە، ئەوەش وای كردووە تووشی لێكەوتەی مەترسیدار بێت و گیان لەدەست بدات".
بەڕێوەبەری گشتیی ڕێكخراوەكە سەرەخۆشیی خۆی ئاراستەی بنەماڵەی كۆچكردووەكە كرد و ڕوونی كردەوە كە ڤایرۆسی شامۆندا بە شێوەیەكی سەرەكی تووشی ئاژەڵانی وەك مانگا، مەڕ، بزن و ئەسپ دەبێت.
وەزارەتی تەندروستیی فەڕەنسا پێشتر تووشبوونی ئەو نەخۆشەی لە شاری لیۆن پشتڕاست كردبووەوە.
ئەمە یەكەمین تووشبوونی تۆماركراوی مرۆڤە بە ڤایرۆسی "شامۆندا"، كە لە شەستەكانی سەدەی ڕابردووەوە لە نایجیریا دۆزراوەتەوە و پێشتر تەنیا وا باو بووە كە تەنیا لەنێو ئاژەڵاندا بڵاو دەبێتەوە.
ڤایرۆسەكە سەر بە گرووپی "ئۆرسۆبۆنیا"یە و لە رێگەی مێرووی بچووكەوە دەگوازرێتەوە و لە هاوینی ساڵی 2026 بۆ یەكەمجار لە كێڵگەكانی ئەورووپا بڵاو بووەوە، ئێستاش لێكۆڵینەوە لە شێوازی گواستنەوە و مەترسییەكانی دەكرێت.
لە تۆڕە کۆمەڵایەتیەکان شەیری بکە