1 کاتژمێر پێش ئێستا
90 جار خوێنراوەتەوە
ڕووسیا: سه‌دان درۆنی ئۆكرانی خرانه خواره‌وه
په‌یام
سەرۆکی شارەوانیی مۆسکۆ ڕایگەیاند بەرگرییە ئاسمانییەکانی ڕووسیا توانیویانە لەماوەی چەند کاتژمێری ڕابردوودا ٢٣١ درۆنی ئۆکرانی کە بەرەو پایتەخت دەچوون، تێکشکێنن.
سێرگی سۆبیانین، سەرۆکی شارەوانیی مۆسکۆ، بەیانیی ئەمڕۆ پێنجشەممە، ئاشکرای کرد سەدان درۆنی ئۆکرانی لە کاتی نزیکبوونەوەیان لە مۆسکۆ لەلایەن سیستمی بەرگریی ئاسمانییەوە خراونەتە خوارەوە، ناوبراو لە بڵاوکراوەیەکدا لە پلاتفۆرمەکانی تۆڕە کۆمەڵایەتییەکان ڕایگەیاند، کە لەنێوان کاتژمێر ٨:٣٠ی ئێوارەی ڕۆژی چوارشەممە تا ٧:٠٠ی بەیانیی ئەمڕۆ، ٦١٣ فڕۆکەی بێفڕۆکەوانی ئۆکرانی ئاراستەی مۆسکۆ کرابوون و بەرگریی ئاسمانیی ڕووسیا توانیویەتی زۆربەیان لە دووراییەکی زۆر لە شارەکەدا بخاتە خوارەوە.
سەبارەت بە دۆخی گەشتە ئاسمانییەکانیش، ئاژانسی فڕۆکەوانیی مەدەنیی ڕووسیا ڕایگەیاند بەهۆی ئەم دۆخەوە، لە کاتژمێرەکانی شەو و بەرەبەیانی ئەمڕۆدا، سنووردارکردنی کاتی بۆ هاتوچۆی ئاسمانی لە فڕۆکەخانەکانی ژووکۆڤسکی، دومۆدێدۆڤۆ و ڤنوکۆڤۆ لە دەوروبەری مۆسکۆ سەپێنراوە.
لە تۆڕە کۆمەڵایەتیەکان شەیری بکە