2 کاتژمێر پێش ئێستا
25 جار خوێنراوەتەوە
كۆریای باكوور بە دزینی زیاتر لە شەش ملیار دۆلار لە باینانس تۆمەتباردەكرێت
پەیام
نووسینگەی لێكۆڵینەوەی
فیدڕاڵیی ئەمریكا (ئێف بی ئای) كۆریای باكووری بە بەرپرسیار لە هاككردن و دزینی زیاتر
لە شەش ملیار دۆلار لە دراوی دیجیتاڵی لە پلاتفۆرمی باینانس تۆمەتبار كرد.
نووسینگەی لێكۆڵینەوەی
فیدڕاڵیی ئەمریكا (ئێف بی ئای) ڕایگەیاند: هاككەرەكانی كۆریای باكوور بە مەبەستی
شاردنەوەی سەرچاوەی پارە دزراوەكان، ئەو سەرمایە دیجیتاڵییانەیان بۆ دراوی ئەلیكترۆنیی
"ئیسریۆم" گۆڕیوەتەوە و پێشبینییش دەكرێت قۆناغی زیاتری سپیكردنەوەی پارە
لەسەر ئەو سەرمایە دزراوە ئەنجام بدەن.
لای خۆیشیەوە و هەر لەوبارەوە،
پلاتفۆرمی باینانس كە گەورەترین بۆرسەی دراوە دیجیتاڵییەكانە لە جیهاندا، ئاشكرای
كرد كە توانیویەتی شەش ملیار دۆلار لە كۆی ئەو شەش ملیار و 300 ملیۆن دۆلارەی كە بەهۆی
كەلێنێكی ئەمنییەوە لە دەستدرابوو قەرەبووی هاوبەشەكانی بكاتەوە.
پلاتفۆڕمی باینانس ڕۆژی
هەینی بە فەرمی ڕایگەیاندبوو "بەهۆی دزەكردنێكی ئەمنیی گەورەوە زیانی نزیكەی
شەش ملیار و 300 ملیۆن دۆلاری بەر كەوتووە".
ئەم ڕووداوە هاوكاتە لەگەڵ
بەردەوامیی هۆشدارییەكانی دەزگا هەواڵگرییەكانی ئەمریكا لەوەی پیۆنگ یانگ گرووپە
هاككەرەكان بۆ دزینی دراوە دیجیتاڵییەكان لە بۆرسە جیهانییەكان بەكار دەهێنێت، تاوەكو
لە ڕێگەیەوە سزاكانی سەر كەرتی دارایی خۆی بشكێنێت و تێچووی بەرنامە سەربازی و
مووشەكییەكانی دابین بكات.
لە تۆڕە کۆمەڵایەتیەکان شەیری بکە