وەڵامى ترەمپ درایەوە و جەختکرایەوە بە کشانەى ئیسرائیل لە غـ.ەززە دیلەكان ئازاددەکرێن

پەیام

بزووتنەوەی حەماس وەڵامی پێشنیازەكەی ترەمپی بۆ ئاگربەست لە غەززە دایەوە و دەڵێت، ئەگەر سوپای زایۆنی لە تەواوی كەرتی غەززە بكشێتەوە و كۆتایی بە جەنگ بهێنێت، تەواوی دیلەكان بە زیندوو و مردوو ڕادەست دەكەن.

لە ڕاگەیەنراوێكدا حەماس دەڵێت: وەك هەوڵێك بۆ ڕاگرتنی دەستدرێژییەكانی قەوارەی زایۆنی، ڕاوێژێكی فراوانمان كرد تا بگەینە وەڵامێك بۆ پلانەكەی ترەمپ.

هەروەها دەڵێت: بۆ گەیشتن بە ئاگربەست و كشانەوەی تەواوی سوپای زایۆنی لە غەززە وەك لە پلانەكەی ترەمپدا هاتووە، ئازادكردنی تەواوی دیلەكان بە زیندوو و مردوو ڕادەگەیەنین.

حەماس لە ڕاگەیەنراوەكەدا باس لەوەش دەكات، ڕێككەوتنیان بۆ ڕادەستكردنی غەززە بە دەستەیەكی سەربەخۆی فەڵەستینی دووپات دەكەنەوە، ئەمەش لەسەر بنەمای كۆدەنگیی نیشتمانی و پاڵپشتیی وڵاتانی عەرەبی و ئیسلامی.

دەشڵێت: دووپاتی دەكەینەوە، ئامادەین دەستبەجێ لەڕێی نێوەندگیرانەوە گفتوگۆ لەسەر پلانەكە بەشێوەیەكی تێروتەسەل بكەین.