😱فابریزیۆ ڕۆمانۆ بۆمبەکەی لەسەر ڕۆدری تەقاندەوە

پەیام سپۆڕت - مەڕوان تاڵیب

فابریزیۆ ڕۆمانۆ گرنگیپێدانی بەرشەلۆنە بە ڕۆدری پشتڕاست دەکاتەوە، بەڵام ڕۆژنامەی "مارکا"ـی ئیسپانی ڕەت دەکاتەوە.

 شەوی ڕابردوو ماڕکا ئاشکرای کرد کە هانسی فلیک و دیکۆ پێیان وایە هێڵی ناوەڕاستی ئێستای یانەکە لە ڕووی کوالیتی و یاریزانەوە دەوڵەمەندە و پێویستیان بە گۆڕانکاری نییە.

بەڵام لە نوێترین هەواڵدا ڕۆمانۆ ئاماژەی بەوەکرد، ململانێی جەمسەرەکانی ئیسپانیا بۆ بەدەستهێنانی تواناکانی ڕۆدری گەیشتە قۆناغێکی نوێ، دوای ئەوەی ڕیاڵ مەدرید بۆ ماوەی چەند هەفتەیەک لە گفتوگۆدا بوو لەگەڵ سیتی، یانە ئینگلیزییەکە نەیویست بە خێرایی گرێبەستەکە تەواو بکات، چونکە پێشبینی دەکرد یانەی دیکەش بێنە نێو کێبڕکێیەکە، ئێستاش بەرشەلۆنە بە فەرمی ئارەزووی خۆی نیشانداوە.

بەپێی دوایین زانیارییەکان، هەردوو یانە گەورەکەی ئیسپانیا ئامادەیی خۆیان نیشانداوە هەمان ئەو بڕە پارەیە بدەن کە مانچستەر سیتی داوای دەکات، بەرپرسانی مانچستەر سیتی تا ئێستا مامەڵەی فرۆشتنی یاریزانەکەیان بە ڕیاڵ مەدرید کۆتایی پێ نەهێناوە، چونکە دەیانەوێت بزانن ئۆفەری یانە کەتەلۆنییەکە چۆن دەبێت.

ڕۆدری پێشتر ئاماژەی بەوە کردبوو کە ڕیاڵ مەدرید شوێنی دڵخوازی ئەوە بۆ یاریکردن، بەڵام هاتنە پێشەوەی بەرشەلۆنە هاوکێشەکانی گۆڕیوە و ئێستا هەموو شتێک وەستاوەتە سەر بڕیاری کۆتایی یاریزانەکە.