19/04/2025
594 جار خوێنراوەتەوە
بۆ یەكەمجار لە وڵاتی چین ماراسۆنێك لە نێوان مرۆڤ و ڕۆبۆتدا ڕێكخرا
پەیام
بۆیەكەمجار حكومەتی چین دەستپێشخەریی ئەوەی كرد ماراسۆنێك لەنێوان مرۆڤ و ڕۆبۆتدا لە پەكینی پایتەخت ڕێك بخات.
لە ماراسۆنەكەدا 21 ڕۆبۆت بەشدارییان كرد و بۆ ماوەی 21 كیلۆمەتر لەگەڵ مرۆڤە وەزرشەوانەكاندا پێشبڕكێیان كرد.
ڕۆبۆتە بەشدربووەكانی ماراسۆنەكە قەبارەیان لەنێوان 120 سانتیمەتر بۆ مەترێك و 80 سانتیممەتر بوو بە دیزاینی هەمەجۆر، بەشێكیان لەسەر شێوەی ئافرەت دروست كراون و توانای پێكەنینیان هەیە. هەندێكی دیكەشیان پێڵاوی وەرزشی و دەستكێشی تایبەتیان بۆ لەبەر كرابوو.
ئەو كۆمپانیایانەی كە ڕۆبۆتەكانیان بەشداری لە پێشبڕكێكە كرد باسیان لەوە كرد چەند هەفتەیەكیان پێویست بووە بۆ ئامادەكاری.
لە ماراسۆنەكەدا هەر ڕۆبۆتێك مرۆڤێكی ڕاهێنەری لەگەڵ بوو بۆ پشتیوانیكردنی ڕۆبۆتەكە لەكاتی ڕۆیشتن. دوای دەستپێكردنی چالاكییەكەش بەشێك لە رۆبۆتەكان كێشەی تەكنیكیان بۆ دروست بوو، یەكێكیان هەر زوو لەكار كەوت و یەكێكیشیان خۆی بە ڕێڕەوێكدا كێشا، بەڵام رۆبۆتی "تیانگۆنگ ئۆڵترا" توانیی دوو كاتژمێر و 40 خولەك ڕابكات و سەركەوتن بەدەست بهێنێت، بەڵام ئەو پاڵەوانەی مرۆڤ بوو توانیی بە تەنیا كاتژمێرێك و دوو خولەك ئەو مەودایە ببڕێت.
لە تۆڕە کۆمەڵایەتیەکان شەیری بکە