ئامۆریم ئاگاداری یاریزانێکی کردووەتەوە یانەیەک بۆ خۆی بدۆزێتەوە

پەیام سپۆڕت - مەڕوان تاڵیب

ڕۆبن ئامۆریمی ڕاهێنەری یانەی مانچستەر یونایتد ئاگاداری یاریزانێکی کردووەتەوە یانەیەک بۆ خۆی بدۆزێتەوە.

 فابریزیۆ ڕۆمانۆی ڕۆژنامەنووس ئاشکرای کردووە، ڕاهێنەری شەیتانە سوورەکان بە ئالیخاندرۆ گارناچۆی ئەرجەنتینی ڕاگەیاندووە بۆ وەرزی داهاتوو پشتی پێ نابەستێت و پێویستە یانەیەکی نوێ بۆ خۆی بدۆزێتەوە.

ڕۆمانۆ ئاماژەی بەوەشداوە، بەرپرسانی مانچستەر یونایتد فرۆشتنی هێرشبەرەکە ئەرجەنتینییەکە ڕەت ناکەنەوە بۆ ئەوەی پارەیان بۆ کڕینی یاریزانی نوێ دەستبکەوێت.

لە لایەکی دیکەشەوە فابریزیۆ بڵاوی کردووەتەوە، ڤیکتۆر لیندێلۆف هاوینی ئەمساڵ ڕیزەکانی مانچستەر یونایتد جێدەهێڵێت و وەک یاریزانێکی ئازاد گرێبەستی لە یانەکانی خولی ئیتاڵی و ئیسپانییەوە پێگەیشتووە.