بەرشەلۆنە نرخی فرۆشتنی یاریزانێکی دەستنیشان کردووە

پەیام سپۆڕت - مەڕوان تاڵیب

یانەی بەرشەلۆنە نرخی فرۆشتنی مارک کاسادۆی یاریزانی لاوی تیپەکەی دەستنیشان کردووە.

 ڕۆژنامەی سپۆڕت بڵاوی کردووەتەوە، یانە کەتەلۆنییەکە ئامادەی نیشانداوە ئەگەر ئۆفەرێکی گونجاوی بەدەست بگات دەستبەرداری مارک کاسادۆ بێت، هەرچەندە تاکو هاوینی 2028 بۆندی هەیە.

سەرچاوەکە ئاشکراشی کردووە، بەرشەلۆنە 50 ملیۆن یۆرۆی وەک نرخی فرۆشتنی کاسادۆ دیاری کردووە بۆ هەر یانەیەک کە ئارەزووی کڕینی بکات.

سپۆڕت ئەوەش دەخاتە ڕوو، هەریەک لە چێڵسی و ئەتلەتیکۆ مەدرید خواستی گواستنەوەی مارک کاسادۆ دەکەن، هۆکاری فرۆشتنیشی لە لایەن بەرشەلۆنەوە بۆ زۆری یاریزانەکانی لە هێڵی ناوەڕاست دەگەڕێتەوە.

شایەنی باسە وەرزی ڕابردوو کاسادۆ لە لایەن فلیکی ڕاهێنەرەوە بەشداری یارییەکانی پێدەکرا، توانی 36 یاری ئەنجام بدات و یەک گۆڵ و شەش ئاسیست بنووسێتەوە.