بەرشەلۆنە بڕیاری کۆتایی لەسەر گواستنەوەی بێرناردۆ سیلڤا داوە

پەیام سپۆڕت - مەڕوان تاڵیب

یانەی بەرشەلۆنە هەڵوێستی خۆی بەرانبەر بە گواستنەوەی یەکێک لە ئەستێرە دیارەکانی یانەی مانچستەر سیتی بێرناردۆ سیلڤا دیاری دەکات.

 سەبارەت بە مێرکاتۆی گواستنەوە، ناوی بێرناردۆ  چەندین جار بە بلاوگراناوە بەستراوەتەوە، بەتایبەت دوای ئەوەی ڕایگەیاند کە لە کۆتایی ئەم وەرزەدا و دوای تەواوبوونی گرێبەستەکەی، ڕیزەکانی یانە ئینگلیزییەکە جێدەهێڵێت و دەبێتە یاریزانێکی ئازاد.

بەڵام بەپێی زانیارییەکانی ڕادیۆی "کادینا سێر"ی ئیسپانی، سەرەڕای ئەوەی بەرشەلۆنە سەرسامە بە تواناکانی ئەو یاریزانە، بەڵام لە ئێستادا گواستنەوەی بێرناردۆ سیلڤا لە کارە لەپێشینەکانی یانەکەدا نییە.

کارگێڕی بەرشەلۆنە پێی وایە لە ئێستادا هێڵی ناوەڕاستی تیپەکەیان بە تەواوی تۆکمەیە و پێویستییان بە یاریزانی نوێ لەو شوێنەدا نییە، بەڵکو لە ئێستادا یانەکە کار لەسەر دابینکردنی پێویستییەکانی دیکەی تیپەکە دەکات کە زۆر گرنگتر و بەپەلەترن بۆ وەرزی داهاتوو بە تایبەتی لە هێڵی بەرگری و هێرشبەری سەرەڕمدا.