بەهۆى بەردەوامى هێرشەکانەوە دەیان غەززەیی دیکە بوونە قوربانی

پەیام 

جەنگی سەر كەرتی غەززە لە 651هەمین ڕۆژیدایە و سوپای زایۆنیش لە ئەنجامدانی تاوانی كۆمەڵكوژی دژی هاووڵاتیانی ئاوارە و برسی كەرتەكە بەردەوامە.

بەپێی سەرچاوەكانی هەواڵ لە تەندروستی غەززەوە، لە سەرلەبەیانی ئەمڕۆوە تا ئیستا 30 هاووڵاتی شەهید بوون، حەوتیان لەو كەسانە بوون كە هەوڵی بەدەستهێنانی خواردنیان داوە.

لای خۆەوە بەڕێوەبەری نەخۆشخانەی شیفا ڕایگەیاند: 17 هەزار منداڵ لە كەرتی غەززە هەن كە بەدەست بەدخۆراكیی توندەوە دەناڵێنن.

ئەو ڕایشیگەیاند: نەخۆشەكان بەهۆی برسێتی توندەوە تووشی لەبیرچوونەوە و شەكەتی بوون.

بەردەوامی كۆمەڵكوژییەكانی غەززە لە كاتێكدایە كە هەوڵەكان بۆ گەیشتن بە ڕێككەوتنی ئاگربەست تائێستاش لە دەوحەی پایتەختی قەتەر، بەردەوامە، لەو بارەوە نێردەی تایبەتی ئەمریكا ڕایگەیاند: گەیشتن بە ڕێككەوتن لە هەموو كات نزیكترە، بەڵام بە قسەی ئەو "بزوتنەوەی حەماس زۆر سەرسەخت و پێداگرە.

ئەم لێدوانە دوای ئەوە دێت كە پێنجشەممە حەماس ڕەتی كردەوە هیچ ڕێككەوتنێك پەسەند بكات كە هێزەكانی سوپای زایۆنی لە ناو غەززەدا بهێڵێتەوە و سوورە لەسەر ئەوەی بە تەواوی لە كەرتەكە بكشێنەوە و هیچ شوێنێك بە داگیركراوی نەمێنێتەوە.