16/08/2025
1024 جار خوێنراوەتەوە
ئەمریكا.. چوار کەس لە 90 چركەدا بایی دوو ملیۆن دۆلار زێڕیان دزی
پەیام
لە ویلایەتێكی ئەمریكا لەماوەی 90 چركەدا بە ڕۆژی نیوەڕۆ دزییەك كرا و بایی دوو ملیۆن دۆلار زێڕ دزرا.
پۆلیسی ئەمریكا ڕایگەیاند، چوار دز پرۆسەیەكی دزییان بە ئاشكرا ئەنجام داوە و دوكانێكی زێڕینگەرییان كردۆتە ئامانج.
ئەو دزانە بە دەمامكەوە شووشەیان شكاندووە و چوونەتە ژوورەوە، دواتر لە ماوەی تەنیا خولەك و نیوێكدا دەستیان بەو زێڕانە گەیشتووە كە نمایش كراون و لە شوێنەكە هەڵاتوون.
بەپێی زانیارییەكان لە دزییەكەدا كاتژمێرێكی ڕۆڵێكس بە بەهای 750 هەزار دۆلار و چەندین پارچە زێڕ و ئەڵماس و زمرودی دیكە دزراون.
خاوەنی زێڕینگەرەكە ڕایگەیاندووە، شۆك بوون و بۆ ماوەیەك فرۆشگاكەیان دادەخەن. پۆلیسیش دەڵێت: گەڕان بەدوای دزەكاندا بەردەوامە.
لە تۆڕە کۆمەڵایەتیەکان شەیری بکە