ئومتیتی: دێمبڵی قەدری بەرشەلۆنەی نەدەزانی

پەیام سپۆڕت - مەڕوان تاڵیب

ئومتیتی فەڕەنسی و بەرگریکاری پێشووی بەرشەلۆنە ڕەخنە لە عۆسمان دێمبڵی دەگرێت و لە هەمان کاتیشدا پیرۆزبایی لێدەکات.

 لەمیانەی چاوپێکەوتنێکی ڕۆژنامەوانیدا، سەرەتا ئومتیتی وتی: دڵخۆشم کە دێمبڵی بووەتە براوەی تۆپی ئاڵتونی، ئێستا ئاستی زۆر بەرەو پێش چووە و لە بەرشەلۆنە وانەبوو.

بەرگریکارەکەی پێشووی بلاوگرانا دەشڵێت: دێمبڵی لە بەرشەلۆنە کەمتەرخەم بوو، هەندێکجار ناچار بووم بەیانیان تەلەفون بۆ دێمبڵی بکەم بۆ ئەوەی بزانم بە خەبەرە یان نا و دەزانێت مەشقەکانمان بەیانیانە، زۆرکات دەهات تیپەکە مەشقی نەبوو و ئاگای لە هیچ نەبوو.

لە کۆتایدا ئومتیتی ئاماژەی بەوەکرد، گەورەترین کێشەی عۆسمان ئەوەبوو قەدری بەرشەلۆنەی نەدەزانی کە یاریکردن بۆ ئەو تیپە مانای چییە، بەڕاستی لە بەرشەلۆنە زۆر چالاک نەبوو.