ئامۆریم خاڵی لاوازی تیپەکەی ئاشکرا دەکات

پەیام سپۆڕت - مەڕوان تاڵیب

ڕۆبن ئامۆریمی ڕاهێنەری مانچستەر یونایتد خاڵی لاوازی تیپەکەی ئاشکرا دەکات.

 لە کۆنگرەی ڕۆژنامەوانی پێش یارییەکەیان بەرانبەر تۆتێنهام لە ئێوارەی شەممە، سەرەتا ئامۆریم ڕایگەیاند، لە یاری ڕابردوو لە ناوچەی سزادا کێشەیان هەبووە و ڕێگەیان داوە تیپی بەرانبەر بەبێ هیچ فشارێک تۆپ بگوازنەوە، بۆیە ئەم هەفتەیە کاری تەواویان لەسەر ئەو خاڵە کردووە.

ڕاهێنەرەکەی مانچستەر وتیشی: بەیەک دەرفەت دەتوانیت گۆڵ تۆمار بکەیت و یارییەکان ببەیتەوە، بەڵام ئێمە کێشەی ئەوەمان هەیە، بە تایبەتی کە گۆڵیشمان لێدەکرێت و ناتوانین پارێزگاری لە گۆڵەکەمان بکەین و پێویستە لەڕووی بەرگرییەوە باشترین بین.

لە کۆتایدا ڕاهێنەری شەیتانە سوورەکان ئەوەی خستەڕوو، لە یارییەکانی داهاتوو گۆڕانکاری زۆر دەکەن و تیپەکەی بەرەو باشتر دەڕوات، باوەڕی تەواویان بە بردنەوە هەیە و پێشتر ئەوەیان سەلماندووە، هۆکاری ئەوەی لەم وەرزە پێکانی کەمیان هەیە ئەوەیە هەفتەی تەنیا یەک یاری دەکەن و دەرفەتی پشوودانی زۆر بۆ یاریزانەکانی هەیە.