ئامۆریم لە بارەی مانەوەی یاریزانێکی ئاگاداری مانچستەر یونایتدی کردووەتەوە

پەیام سپۆڕت - مەڕوان تاڵیب

ڕۆبن ئامۆریمی ڕاهێنەری مانچستەر یونایتد لە بارەی داهاتووی کاسێمیرۆوە بڕیاری خۆی داوە.

 تۆڕی "تۆڵک سپۆڕت"ی بەریتانی بڵاوی کردووەتەوە، ئامۆریمی ڕاهێنەر بیرۆکەی خۆی بۆ مانەوەی کاسێمیرۆ بە بەرپرسانی شەیتانە سوورەکان وتووە بەهۆی ئەوەی کۆتایی ئەم وەرزە گرێبەستی یاریزانەکە کۆتایی دێت.

سەرچاوەکە ئاماژە بەوەش دەکات، ئامۆریم بڕوای تەواوی بە تواناکانی کاسێمیرۆ هەیە و پێیوایە توانای دروستکردنی جیاوازی هەیە و دەتوانێت لە بەرگری و هێرشبەریش بەشدار بێت، هەربۆیە دەیەوێت بمێنێتەوە.

لەلایەکی دیکەوە یانەی مانچستەر یونایتد هەوڵدەدات ئەو یاریزانە ڕازی بکات کە مووچەی کەم بکاتەوە بۆ ئەوەی گرێبەستەکەی بۆ وەرزێکی زیادە و تاکو هاوینی 2027ـیش درێژ بکاتەوە، بەڵام هێشتا گفتوگۆکانی یەکلایی نەکراونەتەوە.

کاسێمیرۆ لەم وەرزەدا 10 یاری ئەنجامداوە و 3 گۆڵی تۆمارکردووە و 1 ئەسیستیشی لە پرێمەرلیگ کردووە.