2 کاتژمێر پێش ئێستا
190 جار خوێنراوەتەوە
بەرپرسێكی باڵای ئێران: لە بەرژەوەندى ئەمریکایە بە گەمژەیی ڕەفتار نەکەن
پەیام
بەرپرسێكی ئێرانی دەڵێ: لە ئەمڕۆوە دانبەخۆداگرتن تەواوبووە و كاتیش لە بەردەم بەرژەوەندییەکانی ئەمریكا كۆتایی هاتووە، باشترە بە گەمژەیی ڕەفتار نەکەن.
ئیبراهیم ڕەزایی وتەبێژی لیژنەی سیاسەتی دەرەوە و ئاسایشی نەتەوەیی لە ئەنجوومەنی شوورای ئیسلامیی ئێران (پەڕلەمان) ڕایگەیاند: لە ئەمڕۆوە قۆناغی دانبەخۆداگرتن تەواو بوو.
لە نووسینێكیدا لە تۆڕی ئێكس، ئیبراهیم ڕەزایی ڕایگەیاند: هەر هێرشێك بۆ سەر كەشتییەكانی ئێران بە توندی و یەكلاكەرەوە هێرش دەكرێتەوە سەر كەشتی و بنكە سەربازییەكانی ئەمریكا.
ئاماژەی بەوەش دا، كە كات لەبەردەم بەرژەوەندییەكانی ئەمریكا كۆتایی هات، لە بەرژەوەندییشیانە بە گەمژەیی ڕەفتار نەكەن و خۆیان لەو زەلكاوەی تێ كەوتوون زیاتر گیر نەكەن.
ئەو بەرپرسەی ئێران ڕوو بە ئەمریكییەكان ڕایشیگەیاند: باشترین بژاردە ڕادەستبوون و سازشكردنە و پێویستیشە لەسەریان خۆیان لەگەڵ سیستمی نوێی ناوچەكە بگونجێنن.
لە تۆڕە کۆمەڵایەتیەکان شەیری بکە