ئێران: وڵاتانی كەنداو بەشداربوون لە هێرشەکانى سەرمان و دەبێت قەرەبوومان بکەنەوە

پەیام

ئێران وڵاتانی كەنداو و ئوردن تۆمەتبار دەكات بە بەشداری هێرشەكان بۆ سەر وڵاتەكەی و داوای قەرەبووكردنەوەی زیانەكانی دەكات.

ئەمیر سەعدی ئیروانی، نوێنەری كۆماری ئیسلامیی ئێران لە نەتەوە یەكگرتووەكان هەر یەك لە قەتەر، بەحرەین، كوەیت، سعودیە، ئیمارات و ئوردنی بە بەشداریی ئەمریكا بۆ هێرشكردنە سەر وڵاتەكەی تۆمەتبار كرد و بەڵگەی پێویستیشی بۆ سەلماندنی ئەو تۆمەتانە پێشكەش كرد و داواشی لە نەتەوە یەكگرتوەكان كرد ئەو وڵاتانە پابەند بە قەرەبووكردنەوەی بكات.

هەر لەو میانەیەدا، ئەمیر سەعدی ئیروانی، نامەیەكی لەبارەی دانپێدانانی لێپرسراوانی ئەمریكا و فەرماندەیی ناوەندیی ئەمریكا (سێنتكۆم) بە ڕۆڵ و بەشداری وڵاتانی كەنداو و ئوردن لە هێرشی دوژمنكارانە بۆ سەر ئێران ئاراستەی سكرتێری گشتی نەتەوە یەكگرتوەكان و ئەنجومەنی ئاسایشی نێودەوڵەتی كرد.

ئەمیر سەعدی ئیروانی، نوێنەری كۆماری ئیسلامیی ئێران لە نەتەوە یەكگرتووەكان ڕایشیگەیاند: ئەو وڵاتانە شانبەشانی ئەمریكا لە هێرشەكانی سەر ئێران بەشدار بوون و بنكە و دامەزراوەی سەربازییان تەرخان كردووە و پشتیوانی لۆجیستی و كرداریی و هەماهەنگی ئاسمانییان ئەنجام داوە.