ڕووەكی گوڵی نیل هەڕەشە لە ڕووبارەكان و سامانی ئاوی عێراق دەكات

پەیام

لە عێراق هۆشداری لە مەترسییەكانی بڵاوبوونەوەی "گوڵی نیل" دەدرێت و داوا دەكرێت ڕێ لە گەیشتنی بە هۆڕەكان بگیرێت.

موسەننا تەمیمی، وەزیری سەرچاوەكانی ئاوی عێراق، ڕایگەیاند: ڕووەكی "گوڵی نیل" لە پێنج پارێزگا بڵاو بووەتەوە و مەترسییەكی جدییە بۆ سەر سامانی ئاو، چونكە ڕۆژانە تەنیا یەك ڕووەك 3 تا 5 لیتر ئاو دەمژێت".

 تەمیمی هۆشداری دا ئەگەر ئەم ڕووەكە بگاتە هۆڕەكان، كۆنتڕۆڵكردنی ئەستەم دەبێت و بۆ سوودوەرگرتن لە ئەزموونی میسریش لەو ڕووەوە، شاندێكی حكومی سەردانی ئەو وڵاتە دەكات.

بەپێی قسەی وەزیری سەرچاوەكانی ئاو خودی سەرۆكوەزیران لەو كێشەیە ئاگادار كراوەتەوە كە ئەگەر ئەو ڕووەكە بگاتە هۆڕەكان وەزارەت بۆ بنەبڕكردنی ڕووبەڕووی ئاستەنگیی دەبێتەوە، لەبەر ئەوەی هۆڕەكان ڕووبەرێكی ئاوی فراوانن و ڕووەكە زووتر تێیدا بڵاو دەبێتەوە و كارەسات دروست دەبێت.

گوڵی نیل لە مەترسیدارترین ڕووەكە غازییەكانە، بیانیە و لە 20 ساڵ لەمەوبەرەوە بۆ عێراق گوازراوەتەوە، لە چەندین ناوچەی جیهانیش زیانی ژینگەیی گەورەی داوە.