پێش 4 هەفتە
1205 جار خوێنراوەتەوە
هەندێک لە سەركردەكانی ناتۆ دەمانچە تورکییەکەیان وەرنەگرت کە وەک دیارى پێیان درابوو
پەیام
دیارییەكەی ئەردۆغان كە دەمانچەی توركی بوو بۆ سەركردەكانی ناتۆ، لە لوتكەی ئەنقەرە بووە جێی مشتومڕ و هەندێک لە سەركردەكانی ناتۆ دەمانچە تورکییەکەیان وەرنەگرت.
لە لوتكەی ناتۆ لە ئەنقەرە، ڕەجەب تەیب ئەردۆغان، سەرۆككۆماری توركیا دەمانچەی دروستكراوی توركیای لە جۆری "گوموشای 357 ماگنوم" بەخشییە سەركردەكانی هاوپەیمانێتییەكە، كە ناوی سەركردەكانیان لەسەر نەخشێنرابوو.
چاودێران ئەم هەنگاوە بە پەیامێكی سیاسی و سەربازی بۆ نیشاندانی پێشكەوتنی پیشەسازیی بەرگریی توركیا و بەهێزكردنی پێگەی وڵاتەكەیان لە ناو ناتۆدا دەبینن.
كاردانەوەی سەركردەكان بەرانبەر دیارییەكە جیاواز بوو، كییەر ستارمر، سەرۆكوەزیرانی بەریتانیا بەهۆی توندیی یاساكانی چەك لە وڵاتەكەی نەیتوانی دەمانچەكە بباتەوە.
بارت دی ویڤەر، سەرۆكوەزیرانی بەلجیكا دیارییەكەی ڕادەستی پۆلیس كرد، ئۆرسۆلا ڤۆن دێر لاین، سەرۆكی كۆمیسیۆنی ئەوروپاش ڕایگەیاند كە دەمانچەكە لەكار دەخات و دەیبەخشێتە مۆزەخانەیەكی سەربازی.
ئەم هەنگاوەی ئەنقەرە وەك نمایشێكی سەربازی و ڕیكلام بۆ چەكی توركی لە پەراوێزی لوتكەكەدا لێكدرایەوە.
لە تۆڕە کۆمەڵایەتیەکان شەیری بکە