پێش 1 هەفتە
743 جار خوێنراوەتەوە
ئینریکی سزای بارکۆلا دەدات
پەیام سپۆڕت - مەڕوان تاڵیب
لویس ئینریکی ڕاهێنەری پاریس سانجێرمان، سزایەکی توند بەسەر
برادلی بارکۆلادا دەسەپێنێت دوای ئەوەی یاریزانەکە ڕەتیکردەوە گرێبەستەکەی نوێ
بکاتەوە، یانەکەش نرخێکی خەیاڵی بۆ فرۆشتنی دیاری دەکات.
لە چەند ڕۆژی ڕابردوو بارکۆلا ڕەتی کردەوە بۆندەکەی نوێ
بکاتەوە و لیڤەرپووڵ بۆ گواستنەوەی لەسەر هێڵە.
بەپێی زانیارییەکانی تۆڕی "زە ئەتلەتیک" لویس
ئینریکی پەیامێکی ڕوونی بۆ یاریزانەکە ناردووە و ئەو تەنیا پشت بەو یاریزانانە دەبەستێت
کە بە تەواوی پابەندی پڕۆژەی یانەکە بن.
سەرچاوەکە ئاماژە بەوەش کردووە، ئەگەر پاریس نەتوانێت بەو
نرخە خەیاڵییە بارکۆلا بفرۆشێت و یاریزانەکە لە تیپەکەدا بمێنێتەوە، ئینریکی ئامادەیە
بە تەواوی لە پێکهاتەی سەرەکی و یەدەگ دوری بخاتەوە و بۆ وەرزی داهاتوو بەشداری پێ
نەکات.
ئەم هەڵوێستە توندەی ئینریکی نیشانی دەدات کە پاریس سانجێرمان
چیدیکە ڕێگە بە یاخیبوونی یاریزانەکان نادات و ئێستا بارکۆلا لە نێوان دوو بژاردەی
سەختدایە: یان دەبێت یانەیەک بدۆزێتەوە کە 170 ملیۆن یۆرۆ بدات، یان ئەوەتا ڕووبەڕووی
وەرزێکی بێدەنگ و دوور لە یاریگاکان ببێتەوە ئەگەر لە پاریس بمێنێتەوە و گرێبەستەکەی
نوێ نەکاتەوە.
لە تۆڕە کۆمەڵایەتیەکان شەیری بکە