2 کاتژمێر پێش ئێستا
79 جار خوێنراوەتەوە
هەپەگە: تا ئازادبوونی ئۆجالان بەبێ وەستان بەردەوام دەبین
پەیام
هێزەكانی پاراستنی گەل (هەپەگە) بەبۆنەى 41هەمین ساڵیادی دەستپێکردنی خەباتی چەکداریی پەکەکە ئەمڕۆ لەڕاگەیەندراوێكدا بڵاویکردەوە، تا ئازادبوونی عەبدوڵڵا ئۆجالان بەبێ وەستان بەردەوام دەبن.
ڕاشیگەیاندووە "ئۆجالان خوڵقێنەری سەرجەم بەها كۆمەڵایەتی، ئایدیۆلۆژی و مرۆییەكانی تێكۆشانەكەمانە، بۆیە ئازادیی جەستەیی ڕێبەرمان بۆ گەل و تەڤگەرمان پرسێكی یەكلاكەرەوە و دەستبەردارنەبووە".
لە کۆتایی ڕاگەیەندراوەکەدا، هەپەگە جەخت دەکاتەوە: "وەک گەریلای ئازادی، رایدەگەیەنین کە تاوەکو بەدیهێنانی ئازادیی فیزیکیی رێبەر ئۆجەلان، بەرخودانی گەریلا و تێکۆشانی گەلەکەمان بە هەموو شێوازێک و بەبێ وەستان بەردەوام دەبێت."
15ی ئابی 1984، پەکەکە یەکەم چالاکیی چەکداریی خۆی لە دژی سوپای تورکیا لە ناوچەکانی (دهێ) لە سێرت و (شەمزینان) لە جۆلەمێرگ کرد، کە بە "بازدانی 15ی ئاب" ناوی دەبەن و هەموو ساڵێک وەک دەستپێکی خەباتی چەکداری یادی دەکەنەوە.
لە تۆڕە کۆمەڵایەتیەکان شەیری بکە