بە دڕۆن ھێرش کرایە سەر کۆمپانیایەکی بازرگانیی ئەلکیترۆنی لە ڕووسیا

بە ئاراستەکردنی ژمارەیەک دڕۆن، دوو دامەزراوەی کۆمپانیای "ئۆزۆن" بۆ بازرگانیی ئەلیکترۆنی لە ڕووسیا كرانە ئامانج.
کۆمپانیای "ئۆزۆن" لە ڕاگەیاندراوێکدا ئاماژەی بەوەداوە لە دوو ھێرشدا کە بە ئاراستەکردنی ژمارەیەک دڕۆن ئەنجامدراون، دوو دامەزراوەی لۆجسیتی کۆمپانیاکەیان لە شارەکانی ئۆرنبۆرگ و ئوفا لە ڕووسیا کراونەتە ئامانج.
لە ڕاگەیاندراوەکەدا باس لەوەش کراوە کە بەپێی لێکۆڵینەوە بەراییەکاندا، ھێرشەکان ھیچ زیانێکی گیانیان نەبووە.
بەپێی ڕاگەیاندراوەكە، ھێرشەکان نەبوونەتە ھۆی ئاگرکەوتنەوە لە دامەزراوەکان.
لە ڕاگەیاندراوەكەدا ئەوەشخراوەتەوە كە دامەزراوەی لۆجسیتی کۆمپانیای "ئۆزۆن" لە شاری ئۆرنبۆرگ دەستی بە چالاکییەکانی کردووەتەوە، بەڵام زیانێکی کەم بەر دامەزراوەی لۆجسیتی کۆمپانیاکە لە شاری ئوفا کەوتووە.