پێش 2 هەفتە
419 جار خوێنراوەتەوە
بایرن میونخ مووچەی ئۆڵیسێ هاوشێوەی کەین و موسیالا لێدەکات
پەیام سپۆڕت - مەڕوان تاڵیب
یانەی بایرن میونخ هەنگاوێکی خێرا و مێژوویی ناوە تاوەکو
گرێبەستی مایکڵ ئۆڵیسێ بە گرێبەستێکی درێژخایەن نوێ بکاتەوە.
بەپێی زانیارییەکانی ڕۆژنامەی بەناوبانگی "بیڵد"ی
ئەڵمانی، کارگێڕیی یانە باڤارییەکە دەیەوێت بۆندەکەی ئۆڵیسێ تاوەکو هاوینی ساڵی
٢٠٣٢ درێژ بکاتەوە، و هاوکات مووچەی ساڵانەکەی بەرز بکاتەوە بۆ ٢٥ ملیۆن یۆرۆ، بەمەش
دەچێتە ڕیزی هاری کین و جەمال موسیالا وەک خاوەنی بەرزترین مووچە لە تەواوی پێکهاتەی
یانەکەدا.
بەپێی هەمان سەرچاوەکە، لە کاتێکدا کە بایرن بە هەموو شێوەیەک
دەیەوێت داهاتووی ئەم یاریزانە مسۆگەر بکات، بەڕێوەبەری کارەکانی ئۆڵیسێ داوای جێگیرکردنی
بڕگەی هەڵوەشاندنەوەی گرێبەست دەکات کە بڕەکەی لە ٢٠٠ ملیۆن یۆرۆ زیاتر بێت.
ئامارە سەرنجڕاکێشەکانی ئۆڵیسێ سەلمێنەری گرنگیی پێگەی ئەون
لە ئالیانز ئارینا، بەو پێیەی تاوەکو ئێستا لە ١١٤ یاریدا بە درێسی بایرنەوە توانیویەتی
٥٠ گۆڵ و ٥٨ ئەسیست تۆمار بکات.
لە تۆڕە کۆمەڵایەتیەکان شەیری بکە