ماوەی دوورکەوتنەوەی چاڤی ئیسپارت ئاشکرا دەبێت

پەیام سپۆڕت - مەڕوان تاڵیب

ماوەی دوورکەوتنەوەی چاڤی ئیسپارتی بەرگریکاری یانەی بەرشەلۆنە ئاشکرا دەبێت.

 یانەی بەرشەلۆنە ڕووبەڕووی زەبرێکی گەورەی نوێ بووەوە دوای ئەوەی دڵنیابوونەوە لە پێکانی چاڤی ئێسپارت لە پاژنەی پێی راستیدا.

پاش ئەوەی پشکنینی پزیشکی بۆ یاریزانەکە ئەنجامدرا، یانە کەتەلۆنییەکە ڕایگەیاند کە پشکنینەکان سەلماندوویانە ئێسپارت تووشی پێکان بووە لەو جومگەیەی کە ئیسقانەکانی پاژنەی پێ پێکەوە دەبەستێت، کە ئەوەش لە ئەنجامی بەرکەوتنی بە یەکێک لە یاریزانانی یانەی ڕکابەر لە کاتی یاریی کلاسیکۆدا هاتووە.

هەرچەندە پزیشکانی بلاوگرانا ماوەی دوورکەوتنەوەی بەرگریکارەکەی ئاشکرا نەکردووە، بەڵام ڕۆژنامەکان ئەوە دەخەنە ڕوو، پێشبینی دەکرێت یاریزانەکە بۆ ماوەی نزیکەی حەوت هەفتە لە یاریگاکان دوورکەوێتەوە، ئەمەش بە کێشەیەکی گەورە بۆ یانەی بەرشەلۆنە هەژمار دەکرێت.