ئاراوخۆ دڵنیایی دەداتە هاندەرانی یانەی بەرشەلۆنە

پەیام سپۆڕت - مەڕوان تاڵیب

ڕۆناڵد ئاراوخۆی ئۆرۆگوای دڵنیایی دەداتە هاندەرانی یانەی بەرشەلۆنە لەگەڵیان بەردەوام دەبێت و گرنگیشی بە ڕەخنەکان نادات.

 لە نوێترین چاوپێکەوتنی ڕۆژنامەوانیدا، ئاراوخۆ ڕایگەیاند، دڵخۆشە بەوەی لەم وەرزە سێ نازناویان بەدەست هێناوە، بەڵام لەسەر ئاستی تاکەکەسی وەرزێکی نایاب نەبووە بۆی، چونکە ماوەیەکی زۆر بەهۆی پێکانەوە دابڕاوە و ئەوەش زۆر بێزاری کردووە، چونکە هەمیشە حەزی لە یاریکردنە، ڕەنگە هەندێک متمانەی لەدەست دابێت، بەڵام ئەگەر دۆخی باش بێت دەتوانێت ڕکابەری پێگەکەی خۆی بکات.

لەسەر ئەو ڕەخنانەی ئاڕاستەی کراون، بەرگریکارەکەی بلاوگرانا ڕوونی کردەوە، گوێ لە ڕەخنەکان ناگرێت و گرنگی بەو قسانەش نادات، زۆر ئارامە لەو بارەیەوە، ئێستا لە ڕووی دەروونی و جەستەییەوە زۆر باشە.

لە کۆتایدا ئاراوخۆ دڵنیایی دەدات لەگەڵ بەرشەلۆنە بەردەوام دەبێت و تاکو هاوینی 2031 گرێبەستی هەیە و لە یەکێک لە باشترین یانەکانی جیهان یاری دەکات و یەکێکە لە کاپتنەکانی تیپەکەش و فلیکی ڕاهێنەر خۆشی دەوێت متمانەی پێی هەیە.