پێش 4 هەفتە
211 جار خوێنراوەتەوە
جارێكی دیكه هێرش كرایه‌وه سه‌ر به‌نده‌ره‌كانی یه‌مه‌ن
حووسییەکان ڕایانگەیاند کە بەندەری حودەیدە ڕۆژئاوای یەمەن، لەلایەن سوپای قه‌واره‌ی داگیركه‌ری زایۆنیی بۆردومان کراوە.
کەناڵی مەسیرە سەربە حووسییەکان بڵاوی کردەوە: " قه‌واره‌ی داگیركه‌ری زایۆنیی دوژمن لە میانی دوو ھێرشدا، بەندەری حودەیدەی بۆردومان کردووە".
لەبەرامبەردا سوپای قه‌واره‌ی داگیركه‌ری زایۆنیی لە ڕاگەیاندراوێکدا ئاماژەی بەوەداوە کە ھێزی دەریاییان، ھێرشی کردووەتە سەر ژمارەیەک ئامانجی حووسییەکان لە بەندەری حودەیدە، ئەوەش لە وەڵامی ھێرشەکانی حووسییەکان دژبە قه‌واره‌ی داگیركه‌ری زایۆنیی .
بانگەشەی ئەوەشی کردووە: "ئامانج لە ئەنجامدانی ھێرشەکە، زیانگەیاندنە بە بەندەری حودەیدە کە ھێشتا لەلایەن حووسییەکانەوە بۆ ئەنجامدانی چالاکی بەکاردەھێنرێت".
پێشتر سوپای قه‌واره‌ی داگیركه‌ری زایۆنیی، ھۆشداری ئەوەی دابوو کە ھێرش دەکاتە سەر بەندەرەکانی ڕەئس عیسا، حودەیدە و سەلیف ڕۆژئاوای یەمەن، ھەروەھا بانگەشەی ئەوەشی کردبوو کە ئەو بەندەرانە لەلایەن حووسییەکانەوە بۆ ئەنجامدانی چالاکی، بەکاردەھێندرێن.
لە تۆڕە کۆمەڵایەتیەکان شەیری بکە