ئه‌مریكا: سه‌ربازه‌كانمان له‌ عێراق ده‌كشێنینه‌وه‌

په‌یام

شۆن پارنێل وتەبێژی پنتاگۆن ڕایگەیاند، "بە بڕیاری سەرۆک و بەگوێرەی کارەکانی لیژنەی باڵای سەربازی ئەمریکا و عێراق، ئەمریکا و هاوبەشەکانی ئەرکی سەربازی خۆیان لە عێراق كه‌م ده‌كه‌نه‌وه‌".
ئاماژەی بەوەشکرد، ئەم کەمکردنەوە "ڕەنگدانەوەی سەرکەوتنی هاوبەشمانە لە بەرەنگاربوونەوەی داعش و هەنگاوێکە بەرەو گواستنەوە بۆ هاوبەشییەکی ئەمنی بەردەوامی نێوان ئەمریکا و عێراق، کە هاوتەریب بێت لەگەڵ بەرژەوەندییە نیشتمانییەکانی ئەمریکا، دەستووری عێراق و ڕێککەوتنی چوارچێوەی ستراتیژی ئەمریکا و عێراق".
ئاماژەی بەوەشکرد، "ئەم هاوبەشییە بریتی دەبێت لە پاڵپشتیکردنی ئاسایشی عێراق له‌لایه‌ن ئه‌مریكاوه‌، هەروەها توانای عێراق بەرزدەکاتەوە بۆ گەیشتن بە گەشەپێدانی ئابووری و ڕاکێشانی وەبەرهێنانی بیانی و وەرگرتنی ڕۆڵی خۆی. هه‌روه‌ها حکومەتی ئەمریکا بەردەوام دەبێت لە هەماهەنگییەکانی لەگەڵ حکومەتی عێراق و ئەندامانی هاوپەیمانی".

لە کۆتایی مانگی ئابدا، چه‌ند كاروانێك له‌ هێزەکانی ئەمریکا بنکەکانیان لە عێراق به‌جێهێشت، لەنێویاندا بنكه‌ی عەین ئەسەد لە پارێزگای ئەنبار و کەمپی ڤیکتۆریا لە نزیک فڕۆکەخانەی بەغدا. پێشبینی دەکرێت ژمارەیەکی سنووردار لە سەربازەکانی ئه‌مریكا وه‌ك ڕاوێژکار بمێننەوە.