02/07/2025
333 جار خوێنراوەتەوە
مێسی نوێکردنەوەی گرێبەستەکەی لەگەڵ ئینتەرمیامی بە خراپ نازانێت
پەیام سپۆڕت - بڕیار تەها
لیۆنێل
مێسی ئەرجەنتینی و یانەی ئینتەرمیامی ئەمریکی گفتوگۆی نوێکردنەوەی گرێبەستی
نێوانیان دەکەن.
پاش
کرانە دەرەوەی یانە ئەمریکییەکە لە جامی جیهانی یانەکان، دەنگۆی ڕۆیشتنی
ئەستێرەکەی تانگۆ بۆ یانەی نیوڵز ئاوڵد بۆیزی ئەرجەنتینی یان بۆ یانەکانی خولی
سعودی سەری هەڵدایەوە.
بەڵام
بە پێی زانیارییەکانی میدیاکان، لیۆنێل مێسی لەگەڵ ئیدارەی یانەی ئینتەرمیامی
گفتوگۆی سەرەتاییان بۆ نوێکردنەوەی گرێبەستەکەیان دەست پێکردووە، یانە ئەمریکییەکە
دووپاتیدەکاتەوە کە بە پەرۆشەوە کاردەکات بۆ ئەنجامدانی ڕێککەوتنێکی نوێ دوای ڕاوێژکردن
لەگەڵ کەسانی دەوروبەری یاریزانە ئەرجەنتینییەکە.
سەرچاوەکان
باس لەوە دەکەن، لیۆ مێسی و خێزانەکەی لە میامی دڵخۆشن، بوونی پشکی یاریزانەکە لە
یانەکەدا هاندانێکی زۆر باش تائەوەی مێسی لە یانەکە بمێنێتەوە.
مێسی
مەبەستێتی لە گرێبەستە نوێیەکەدا پێداچوونەوەیەک بۆ مووچەکەی بکرێت و ماوەی
گرێبەستەکەش بۆ خودی یاریزانەکە زۆر گرنگ دەبێت.
مێسی
گرێبەستەکەی لە کۆتایی ئەمساڵ لەگەڵ ئینتەرمیامی کۆتای دێت و یاریزانەکە پێیوایە
ژینگە و ژیانی ئەمریکا کەشێکی گونجاوە تائەوەی پێش تاکو مۆندیالی 2026 باشترین
ئاستی خۆی پێشکەش بکات.
لە تۆڕە کۆمەڵایەتیەکان شەیری بکە