پێشهاتێکی سەرنجڕاکێش سەبارەت بە داهاتووی سکالۆنی لەگەڵ ئەرجەنتین بڵاو دەبێتەوە

پەیام سپۆڕت - مەڕوان تاڵیب

چارەنووسی لیۆنێل سکالۆنی ڕاهێنەر لەگەڵ هەڵبژاردەی ئەرجەنتین زۆر بە ناڕوونی دادەنرێت، بەو پێیەی ڕاهێنەرەکە پەیوەندی بە جێهێشتنی پۆستەکەیەوە هەیە، دوای ئەوەی تانگۆ لە یاری کۆتایی مۆندیالدا بە ئیسپانیا دۆڕا.

 ڕۆژنامەی "سپۆرت" بە پشت بەستن بە ڕۆژنامەنووس "گوستاڤۆ جارۆک" بڵاویکردەوە، ئەگەری ڕۆشتنی سکالۆنی و نوێنەکردنەوەی گرێبەستەکەی لەگەڵ ئەرجەنتین لە ئێستادا زیاتر لە ئارادایە.

نوێکردنەوەی گرێبەستەکەی سکالۆنی لەگەڵ ئەرجەنتین ئاڵۆز بووە، چونکە زیاتر لە سێ مانگی ماوە تا کۆتایی هاتنی گرێبەستەکەی.

ئەوەش دووپات کراوەتەوە، کە بەربەستی سەرەکی لەبەردەم سکالۆنی بۆ نوێنەکردنەوەی گرێبەستەکەی لەگەڵ هەڵبژاردەی ئەرجەنتین هیچ پەیوەندییەکی بە پارەوە نییە، بەڵکو پەیوەندی بە سروشتی خودی پڕۆژەکەوە هەیە.

سپۆرت لەکۆتاییدا ڕوونیکردەوە کە هەموو ئاماژەکان بۆ ئەوە دەچن سکالۆنی لەگەڵ هەڵبژاردەی ئەرجەنتین بەردەوام نابێت، لەگەڵ لەدەستدانی مێسی کە دووبارە لەگەڵ تانگۆ یاری ناکاتەوە.

سکالۆنی لە ساڵی ٢٠١٨ پۆستی ڕاهێنەری ئەرجەنتین وەرگرت، و سەرکردایەتی وڵاتەکەی کرد بۆ بەدەستهێنانی چەندین دەستکەوت، دیارترینیان بردنەوەی نازناوی کۆپا ئەمریکا بوو لە دوو بۆنەدا، لەگەڵ بردنەوەی جامی جیهانی لە ساڵی ٢٠٢٢ لە قەتەر.