لاپۆرتا بڕیارێکی گرنگی ئاشکرا کرد

پەیام سپۆڕت - مەڕوان تاڵیب

خوان لاپۆرتای سەرۆکی بەرشەلۆنە وادەی هەڵبژاردەی سەرۆکایەتی یانەکەی ئاشکرا کرد.

 لەمیانەی چاوپێکەوتنێکی بۆ پێگەی فەڕمی یانە کەتەلۆنییەکە، لاپۆرتا ڕایگەیاند، لە کۆبوونەوەی دەستەی کارگێڕیدا بڕیاردراوە هەڵبژاردنی سەرۆکایەتی یانەکە لە 15ـی مانگی سێی ئەمساڵ ئەنجام بدرێت.

لاپۆرتا باسی لەوەش کرد، ئەمە گونجاوترین کاتە بۆ بەرەپێشچوونی کارە دامەزراوەیی و وەرزشییەکان و دڵنیایش دەدات کە هەڵبژاردنەکانی نموونەی دەبن.

بەپێی زانیارییەکانیش بێت، هەرچەندە هەڵبژاردنی سەرۆکایەتی لە مانگی سێ دەکرێت، بەڵام سەرۆکی نوێی بەرشەلۆنە تاکو مانگی حەوت دەستبەکار نابێت و ڕافا یوستێ لە مانگی دوو تا حەوت دەبێتە سەرۆکی کاتی، تا ئەو کاتەی لاپۆرتا دووبارە هەڵدەبژێردرێتەوە یان کەسێکی نوێ دەستبەکار دەبێت.