مۆرینیۆ: ناچارین سەیری خولی ئەمریکی بکەین تاوەکو چێژ لە ساڵەکانی کۆتایی مێسی وەربگرین

پەیام سپۆڕت - مەڕوان تاڵیب

جۆزێ مۆرینیۆی ڕاهێنەری ڕیاڵ مەدرید ئاشکرای کرد، لە لالیگا بەراورد بە خولەکانی ئەڵمانی و فەڕەنسی فشارێکی زۆرت بۆ بردنەوە لەسەرە.

 لە کۆنگرەیەکی ڕۆژنامەوانیدا پێش ڕووبەڕووبوونەوەی ڕیاڵ بێتیس، مۆرینیۆ هۆشداری دا کە تیپێکی زۆر بەهێزە و بۆ بردنەوە لێیان دەبێت ڕیاڵ لە باشترین ئاستی خۆیدا بێت.

سپێشەڵ وەن وتیشی: لالیگا خولێکی ئاسان نییە، فشارێکی زۆری بردنەوەی لەسەرە کە لە خولەکانی ئەڵمانیا و فەڕەنسا بەو شێوەیە نییە، ئەتلەتیکۆ مەدرید ڕکابەرێکی زۆر بەهێز دەبێت، چونکە جێگیریی لە ڕاهێنەر و سیستمدا هەیە، کە ئەمەش هێزێکی گەورەیان پێ دەبەخشێت.

سەبارەت بە وازهێنانی مێسی، مۆرینیۆ بە ڕێزەوە وتی: مێسی یاریزانێکی ناوازەیە و هیچ وشەیەک نییە بۆ وەسفکردنی و جیهانی تۆپی پێ بیری دەکات، قسەکردن لەسەر مێسی ئاڵۆزە، چونکە هیچ وشەیەک نییە کوالیتی ئەو وەسف بکات و ئەو لە تەمەنی ٣٩ ساڵیدا لە مۆندیال هەر ئەو مێسییە بوو کە دەمانناسی و ئێستا ناچارین سەیری خولی ئەمریکی بکەین تاوەکو چێژ لە ساڵەکانی کۆتایی مێسی  وەربگرین.