25/09/2025
306 جار خوێنراوەتەوە
یوفا دژی ئیسڕائیل و لە بەرژەوەندی غەززە بڕیارێکی گرنگ دەدات
پەیام سپۆڕت - مەڕوان تاڵیب
یەکێتی تۆپی پێی ئەورووپا تاوتوێی ئەوە دەکات یانەکانی
ئیسڕائیل لە ڕکابەرییەکانیان دوور بخاتەوە.
ڕۆژنامەی "زە تایمز"ی بەریتانی ئاشکرای
کردووە، بەرپرسانی یوفا ئامادەکاریی دەکەن تاکو هەفتەی داهاتوو بڕیارێک بدەن سەبارەت
بە ڕاگرتنی یانەکانی قەوارەی زیۆنی لە ڕکابەرییە ئەورووپییەکان و زۆرینەی
ئەندامانی یەکێتییەکەش پاڵپشتی بڕیارەکە دەکەن.
سەرچاوەکە ئاماژە بەوەش دەکات، لەم هەفتەیە کۆبوونەوەیەک
کراوە و تیادا گفتوگۆی چڕ لە نێو بەرپرسانی یوفا هەبووە سەبارەت بە ئەو کۆمەڵکوژیانەی
لە لایەن زایۆنییەوە دەکرێتە سەر غەززە دوای ئەوەی ژمارەیەک لە یانە ئەورووپییەکان
داوایان لە یەکێتییەکە کردبوو ڕێگەیەک بدۆزنەوە تاکو یاریی دژی تیپە
ئیسڕائیلییەکان ئەنجام نەدەن.
لە کۆتایدا ڕۆژنامەکە ئەوەی خستەووەتەڕوو، ئەگەر بێتوو
یوفا بڕیاری ڕاگرتنی یانەکانی ئیسڕائیل بدات، ئەوا فیفاش ناچارە بڕیاری خۆی بدات
سەبارەت بە هەڵبژاردەکە بەو پێیەی مۆندیالی 2026 نزیک دەبێتەوە.
لە تۆڕە کۆمەڵایەتیەکان شەیری بکە